Don't Miss!
- News బీఆర్ఎస్ అస్తిత్వంపై బలంగా కొడుతున్న తెలంగాణా సీఎం రేవంత్ రెడ్డి!!
- Sports సర్ఫరాజ్, ధ్రువ్కు బీసీసీఐ బంపర్ ఆఫర్
- Finance IT News: CEO మైండ్ బ్లాంక్ చేసిన IT ఉద్యోగి.. నెట్టింట పోస్ట్ వైరల్.. ఆ ఒక్క మాటతో..
- Lifestyle మీ బాయ్ఫ్రెండ్/గర్ల్ఫ్రెండ్లో ఈ మార్పులు ఉంటే మిమ్మల్ని చీట్ చేయడానికి పన్నాగం పడుతున్నారని అర్థం జాగ్రత్త
- Technology గూగుల్ క్రోమ్ భద్రత కోసం సరికొత్త ఫీచర్.. వెబ్సైట్లోకి వెళ్లగానే మాల్వేర్ అటాక్లపై అప్రమత్తం చేస్తుంది!
- Automobiles రైలు కదిలేముందు జర్క్ ఎందుకు ఇస్తుంది.??.. ఆసక్తికర విషయాలివే.!!
- Travel హోలీ సందర్భంగా దేశంలోని ఈ ప్రదేశాలను చుట్టేయండి..!
హీరోయిన్లకు కొన్ని తప్పవు.. అర్థం చేసుకుని సర్దుకుపోవాలి.. తమన్నా కామెంట్స్!
Recommended Video
మిల్కీ బ్యూటీ తమన్నాకు యువతలో విపరీతమైన క్రేజ్ ఉంది. అందం, అభినయంతో తమన్నా టాలీవుడ్ లో స్టార్ హీరోయిన్ గా కొనసాగుతోంది. అవసరమైనప్పుడు ఈ మిల్కీ బ్యూటీ అందాలు ఆరబోయడానికి కూడా వెనుకాడదు. ఇటీవల వెంకటేష్ సరసన ఎఫ్2 చిత్రంలో నటించి ఘనవిజయాన్ని సొంతం చేసుకుంది. హీరోయిన్ గా కొనసాగుతూనే అప్పుడప్పుడూ ఐటమ్ సాంగ్స్ లో కూడా మెరుస్తోంది తమన్నా. తాజాగా తమన్నా ఓ ఇంటర్వ్యూలో మాట్లాడుతూ సినిమాల్లో హీరోయిన్లకు ఉండే ప్రాధాన్యత గురించి ఆసక్తికర వ్యాఖ్యలు చేసింది.
లేడి ఓరియెంటెడ్ చిత్రాలు
ప్రస్తుతం సినిమాలు తెరకెక్కించే విషయంలో దర్శకుల ఆలోచన మారుతూ వస్తోంది. హీరోయిన్ల కోసం కూడా దర్శకులు కథలు సిద్ధం చేస్తున్నారు. దీనితో లేడి ఓరియెంటెడ్ చిత్రాలు పెరుగుతున్నాయి. స్టార్ హీరోల చిత్రాలకు ధీటుగా లేడి ఓరియెంటెడ్ చిత్రాలు రాణిస్తున్నాయి. దీని ద్వారా తమకు కేవలం గ్లామర్ పాత్రలు మాత్రమే కాక నటనకు ప్రాధ్యానత ఉండే పాత్రలు వస్తున్నాయని అంటున్నారు.
కమర్షియల్ చిత్రాలు
కమర్షియల్ చిత్రాల విషయానికి వస్తే హీరోయిన్లకు పెద్దగా ప్రాధానత్య ఉండదు. ఈ విషయం గురించి తమన్నా మాట్లాడింది. హీరోయిన్ల పాత్రల విషయంలో చాలా కాలంగా ఫిర్యాదులు వస్తున్నాయి. కేవలం హీరోలకు మాత్రమే ప్రాధాన్యత ఇస్తూ తమని గ్లామర్ కోసం మాత్రమే వాడుకుంటున్నారని గతంలో చాలా మంది హీరోయిన్లు వ్యాఖ్యానించారు. ఆ కామెంట్స్ ని పట్టించుకోవాల్సిన అవసరం లేదని తమన్నా అంటోంది.
డిసైడ్ చేసేది కథ
హీరోయిన్ పాత్ర ఎలా ఉండాలనేది డిసైడ్ చేసేది కథ. ప్రతి సారి హీరోలతో పోటీ పడే కథలు రావాలంటే కుదరదు. కమర్షియల్ చిత్రాలు కొన్ని నియమాలకు లోబడి చిత్రీకరించాల్సి ఉంటుంది. అందులో భాగంగానే దర్శకుడు హీరోయిన్ పాత్రని డిజైన్ చేస్తారు. హీరోయిన్ అన్నా కొన్ని ఇబ్బందులు తప్పవు. వాటన్నింటికి సర్దుకుపోయి రాణించాల్సి ఉంటుంది అని తమన్నా పేర్కొంది.
రెండోదే ఎంచుకుంటా
ఓ హిట్ చిత్రం తీయడం అంటే మామూలు విషయం కాదు. ఆ విషయంలో దర్శకుడు చాలా ఒత్తిడి ఎదుర్కొంటారు. దర్శకులు తీర్చిదిద్దిన కథ ప్రకారం నటించడమే హీరోయిన్ల పని. నటిగా గుర్తింపు కావాలా.. సినిమా విజయవంతం కావాలా అని అడిగితే తాను రెండవదే ఎంచుకుంటానని తమన్నా తెలిపింది. తమన్నా ప్రస్తుతం సైరా నరసింహారెడ్డి, దట్ ఈజ్ మహాలక్ష్మి లాంటి చిత్రాల్లో నటిస్తోంది.