బాహుబలి 3 ఆగిపోవడానికి కారణాలు చెప్పిన తమన్నా.. ప్రారంభమై ఉంటే!

బాహుబలి 3

బాహుబలి రెండు భాగాలు విజయం సాధించిన సమయంలో రాజమౌళి బాహుబలి 3 గురించి మాట్లాడారు. భవిష్యత్తులో బాహుబలి ప్రపంచం కొనసాగుతుందని సీక్వెల్ గురించి హింట్ ఇచ్చాడు. సినిమా ముగింపుకూడా బాహుబలి సీక్వెల్స్ కొనసాగుతాయనే విధంగానే ఉంటుంది.

హ్యాపీ ఎండింగ్

బాహుబలి 2 టైటిల్ లోనే ది కంక్లూజన్ అని పెట్టేశారు. బాహుబలి 2 హ్యాపీ ఎండింగ్ తో ముగుస్తుంది. ఆ తరువాత రాజమౌళి బాహుబలి సీక్వెల్స్ ఆలోచన విరమించుకున్నట్లు తెలుస్తోంది. ప్రస్తుతం రాజమౌళి 300 కోట్ల భారీ బడ్జెట్ తో రాంచరణ్, ఎన్టీఆర్ లతో మల్టీస్టారర్ చిత్రాన్ని తెరకెక్కించేందుకు సిద్ధం అవుతున్నాడు.

నిరాశలేదు

ఓ ఇంటర్వ్యూలో తమన్నా మాట్లాడుతూ బాహుబలి, సైరా నరసింహారెడ్డి లాంటి చిత్రాల్లో నటించే అవకాశం రావడం చాలా సంతోషంగా ఉందని తెలిపింది. బాహుబలి మొదటి భాగంలో తమన్నా ఎక్కువ సన్నివేశాల్లో నటించింది. బాహుబలి 3 ప్రారంభం కాకపోవడం తనకు ఎలాంటి నిరాశ లేదని తెలిపింది.

ప్రారంభమై ఉంటే

బాహుబలి 3 ప్రారంభమై ఉంటే తమన్నా పాత్ర ఇంకా ఎక్కువగా ఉండేది. కానీ బాహుబలి 2 తోనే రాజమౌళి ముగించేశాడు. బాహుబలి సినిమా ప్రారంభమైనప్పుడు రెండు భాగాలే అనుకున్నారు. బాహుబలి 2 తిరుగులేని విజయం సాధించింది. కాబట్టి బాహుబలి 3 ని కూడా తీసు ప్రేక్షకులపై బలవంతంగా రుద్దడం కరెక్ట్ కాదని తమన్నా అభిప్రాయ పడింది.

సైరా నరసింహారెడ్డి

జీరో నరసింహారెడ్డి చిత్రంలో నటించడం అంటే ఆషామాషీ వ్యవహారం కాదు. ప్రతి పాత్రని అధ్యనం చేసి రూపొందించారు. ఆ చిత్రంలో నటించే అవకాశం రావడం అదృష్టం అని తమన్నా పేర్కొంది. మెగాస్టార్ సైరాలో తమన్నా కీలక పాత్రలో నటిస్తున్న సంగతి తెలిసిందే.