Don't Miss!
- Finance స్విస్ పరిశోధనా సంస్థ పబ్లిక్ ఐ నెస్లే చిన్న పిల్లల ఆహారం సెరెలాక్ లో చక్కెరను కలుపుతున్నట్లు కనుగొంది
- Sports దూబెకు అన్యాయం..ఇది భారత్కే మంచిది కాదు- రోహిత్
- News మళ్లీ బయటపడ్డ ఈవీఎం మోసం ! ఏ బటన్ నొక్కినా బీజేపీకే ఓటు...?
- Automobiles రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- Technology Motorola నుంచి రెండు కొత్త ఇయర్ బడ్స్ లాంచ్! ధర, ఫీచర్లు
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
ఫ్యామిలీ కోర్టులో విడాకులకు నటుడి దరఖాస్తు
చెన్నై: తమిళ నటుడు కె. కృష్ణకుమార్ ఫ్యామిలీ కోర్టులో విడాకుల కోసం దరఖాస్తు చేశారు. ఇందుకు గల కారణాలను ఆయన పిటిషన్లో చెప్పారు. 6 ఫిబ్రవరి, 2014లో హేమలత రంగనాథన్తో తనవివాహం జరిగిందని, ఉమ్మడి కుటుంబంతో కలిసి వైవాహిక జీవితాన్ని ప్రారంభించామని, కానీ హేమలత తమకుటుంబంతో సఖ్యతగా మెలిగేది కాదని ఆయన ఆ పిటిషన్లో అన్నారు.
వేరు కాపురం పెడదామని ఒకటే పోరు పెడుతూ వస్తోందని, భర్తగా ఆమె సేవలను తాను ఏ విధంగానూ పొందలేదని, తరచూ గొడవలు పెట్టుకునేదని, తన అనుమానపు బుద్ధితో తనకు నరకం చూపించేదని ఆయన ఆరోపించారు.
తన చర్యల ద్వారా వృత్తిపై శ్రద్ధ చూపించలేకపోతున్నానని, తనను తాను గాయపరచుకొని తనను బలిపశువుగా చూపించేదని, వైవాహిక జీవితానికి విలువనిచ్చి గత 14 నెలలుగా తను పెడుతున్న హింసలన్నింటినీ భరించానని అన్నారు. ఇకపై తనతో కలిసి ఉండలేనని చెప్పుకున్నారు.
కాగా మరోవైపు హేమలత కూడా కృష్ణకుమార్ తనను హింసిస్తున్నాడంటూ పేర్కొంటూ గడిచిన మార్చిలో నిర్మాతల కౌన్సిల్కు ఫిర్యాదు చేసింది. అదేవిధంగా అదనపు కట్నం కోసం వేధిస్తున్నాడంటూ పేర్కొంటూ కేసు వేసింది. కృష్ణకుమార్ మద్యానికి బానిస అయ్యాడని, ఇతర మహిళలతో సంబంధాలు ఉన్నాయని ఆరోపిస్తూ కోయంబత్తూరులోని సోషల్ వేల్ఫేర్ బోర్డును ఆశ్రయించింది. ఫిర్యాదును స్వీకరించిన బోర్డు కృష్ణప్రసాద్కు నోటీసులను పంపించింది.