Don't Miss!
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Finance HUL: రూ.24 డివిడెండ్ ప్రకటించిన హిందుస్థాన్ యూనిలీవర్..
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
షాక్: కర్ణాటకలో తమిళ సినిమాల ప్రదర్శన రద్దు: దెబ్బకు దెబ్బ అంటే !
బహుబలి-2 సినిమా అడ్డుకుంటామని హెచ్చరించడంతో కన్నడిగులకు సత్యరాజ్ క్షమాపణ చెప్పారు. సత్యరాజ్ కన్నడిగులకు క్షమాపణ చెప్పిన వెంటనే తమిళనాడులో కన్నడ సినిమాల ప్రదర్శన రద్దు చేశారని తెలుసుకున్న కన్నడ సంఘాలు
బెంగళూరు: తమిళనాడులో కన్నడ సినిమా ప్రదర్శనలు రద్దు చేసిన సందర్బంగా కర్ణాటకలో కన్నడ సంఘాలు భగ్గుమన్నాయి. బెంగళూరు నగరంతో సహ కర్ణాటకలో ఎక్కడ కూడా తమిళ సినిమాలు ప్రదర్శించరాదని కన్నడ సంఘాల నాయకులు హెచ్చరించారు.
బెంగళూరులోని అన్ని మాల్స్, సినిమా థియేటర్లలో వెంటనే తమిళ సినిమాల ప్రదర్శన నిలిపివేయాలని సూచించారు. మా మాట వినకుండా తమిళ సినిమాలు ప్రదర్శిస్తే పరిస్థితి వేరుగా ఉంటుందని కన్నడ సంఘాల నాయకులు హెచ్చరించారు.
కట్టప్ప క్షమాపణ చెప్పినా సరే
కావేరీ జలాల విషయంలో కన్నడిగులను కించపరిచే విదంగా మాట్లాడారని ఆరోపణలు ఎదుర్కొంటున్న బాహుబలి సినిమాలో కట్టప్ప పాత్రదారి సత్యరాజ్ శుక్రవారం కన్నడిగులకు క్షమాపణలు చెప్పారు. తన మాటలు మిమ్మల్ని బాధించి ఉంటే నన్ను క్షమించాలని మనవి చేశారు.
తమిళనాడులో కన్నడ సినిమాలు
సత్యరాజ్ క్షమాపణలు చెప్పిన వెంటనే తమిళనాడులో కన్నడ సినిమాల ప్రదర్శన రద్దు చేసిన తమిళ ప్రజలు నిరసన వ్యక్తం చేశారని వెలుగు చూసిందని, అందుకే కర్ణాటకలో అన్ని తమిళ సినిమాల ప్రదర్శన అడ్డుకుంటామని శనివారం కన్నడ సంఘాల నాయకులు హెచ్చరించారు.
అప్పటి నుంచి ఇప్పటి వరకు
బాహుబలి-2 సినిమా ప్రదర్శన అడ్డుకుంటామని కన్నడ సంఘాలు హెచ్చరించడంతో 9 ఏళ్ల క్రితం తాను చేసిన వ్యాఖ్యలకు ఇప్పుడు కన్నడగిగులకు క్షమాపణ చెబుతున్నానని సత్యరాజ్ చెప్పారు.
బాహుబలి-2 విషయంలో ఇప్పుడే చెప్పం
సత్యరాజ్ క్షమాపణలు చెప్పారని తెలుసుకున్నామని, అయితే ఆ వీడియో పూర్తిగా చూసిన తరువాత బాహుబలి-2 సినిమా విడుదల చెయ్యడానికి అవకాశం ఇవ్వాలా ? వద్దా ? అనే విషయంపై నిర్ణయం తీసుకుంటామని కన్నడ సంఘాల ఐక్యవేదిక నాయకుడు వాటల్ నాగరాజ్ అంటున్నారు
సత్యరాజ్ దిష్టిబొమ్మ దహనం
బెంగళూరులోని మైసూరు బ్యాంక్ సర్కిల్ లో సత్యరాజ్ కు వ్యతిరేకంగా నినాదాలు చేసిన కన్నడ సంఘాలు ఆయన దిష్టిబొమ్మను దహనం చేసి నిరసన వ్యక్తం చేశారు. సత్యరాజ్ కు కన్నడిగులు తగిన బుద్ది చెబుతారని కన్నడ సంఘాల నాయకులు హెచ్చరించారు.
ఆందోళనలో పంపిణిదారులు
తమిళ సినిమాల కర్ణాటక పంపిణి హక్కులు తీసుకున్న వ్యాపారులు ఇప్పుడు హడలిపోతున్నారు. తమిళ సినిమా ప్రదర్శన రద్దు చేస్తే పైరసీ డీవీడీలు మార్కెట్ లోకి వస్తే తాము తీవ్రస్థాయిలో నష్టపోతామని ఆందోళన చెందుతున్నారు.