చిరంజీవికి ఓటేయరు: శరత్‌ కుమార్‌

న్యూఢిల్లీ: చిరంజీవిని చూడడానికి వచ్చిన వాళ్లంతా ఆయనకు ఓటేయరని, ఈవిషయంలో తనకు ఎంతో అనుభవం ఉందని సినీనటుడు, రాజకీయనాయుకుడు శరత్‌ కుమార్‌ చెప్పారు. శ్రీలంకలో జరుగుతున్న యుద్ధాన్ని నిలిపివేయడానికి కేంద్రం జోక్యం చేసుకోవాలని డిమాండ్‌ చేస్తూ బుధవారం జంతర్‌మంతర్‌ వద్ద ధర్నా చేయనున్నట్లు ఆయన మీడియాతో చెప్తూ..ఈ విషయాలు కూడా చెప్పుకొచ్చారు.

ప్రముఖ సినీ నటి రాధిక భర్త అయిన శరత్ కుమార్...2007లో స్వంతంగా పెట్టుకున్న పార్టీ ఆల్‌ ఇండియా సమత్తువ మక్కల్‌ కడ్చి. ఆ పార్టీ అధ్యక్షుకు కూడా ఆయనే. తన రాజకీయ గురువు కె.కామరాజ్ నాడార్ ఐడియాలిజీని ప్రాచుర్యంలోకి తీవాలని చేసిన ప్రయత్నం వికటించింది. తిరుమంగళం ఉపఎన్నికల్లో ఆయన పార్టీ ఒక్కశాతం కన్నా తక్కువ ఓట్లు సంపాదించి అవమానం పాలయ్యింది. శరత్ కుమార్..చిరంజీవి గ్యాంగ్ లీడర్ సినిమాలో చిరు అన్నగా నటించిన సంగతి తెలిసిందే.