న్యూడ్ ఫోటోస్‌తో బెదిరింపులు... ప్రముఖ సింగర్ అనుకుని మోసపోయిన అమ్మాయిలు!

పోలీస్ ట్రాప్‌లో చిక్కాడు

పలువురు మహిళల నుంచి అతడు లక్షలు రాబట్టినట్లు తెలుస్తోంది. అందులో ఓ మహిళ పోలీసులను ఆశ్రయించడంతో... జిల్లా క్రైమ్ బ్రాంచి పోలీసులు ట్రాప్ చేశారు. పలానా ప్లేసులో డబ్బు ఇస్తానని ఆ మహిళతో చెప్పించి...అతడు అక్కడికి రాగానే డబ్బు తీసుకుంటుండగా రెడ్ హ్యాండెడ్‌గా పట్టుకున్నారు.

వివిధ సెక్షన్ల కింద కేసులు

మహేంద్ర వర్మన్ మీద ఇండియన్ పీనల్ కోడ్ సెక్షన్ 354 బి(మహిళలపై క్రిమినల్ చర్యలకు పాల్పడటం), 354 సి, 384, 506 ఐ(బెదిరింపులకు పాల్పడం), ఐటి యాక్ట్ 66ఇ(ఇతరుల ప్రైవసీకి భంగం కలిగించడం), 66డి(కంప్యూటర్ సోర్స్ ఉపయోగించి ఇతరులను మోసం చేయడం) సెక్షన్ల కింద కేసులు నమోదు చేశారు.

ఈజీ మనీ కోసం అడ్డదారులు

నిందితుడు టీచర్ ట్రైనింగ్ కోర్స్ పూర్తి చేసి గత రెండేళ్లుగా ట్రైనింగ్ క్లాసులు నిర్వహిస్తున్నట్లు పోలీసులు వెల్లడించారు. జాబ్ వదిలేసి ఈజీగా డబ్బు సంపాదించడానికి సోషల్ మీడియా ద్వారా మోసాలు చేయడం మొదలు పెట్టినట్లు గుర్తించారు.

అర్మాన్ మాలిక్

23 ఏళ్ల అర్మాన్ మాలిక్ బాలీవుడ్ ఇండస్ట్రీలో ప్రముఖ గాయకుడు. తన అద్భుతమైన టాలెంటుతో 11 ఏళ్ల వయసులోనే ‘తారే జమీన్ పర్' సినిమాలో పాడే అవకాశం దక్కించుకున్నాడు. బాలీవుడ్లో ఇప్పటి వరకు వందకుపైగా పాటలు పాడారు. అతడికి ఉన్న క్రేజ్ ఆసరగా చేసుకుని... నకిలీ అకౌంట్ క్రియేట్ చేసిన మహేంద్ర వర్మన్ మోసాలకు పాల్పడి దొరికిపోయాడు.