Don't Miss!
- News పిఠాపురంకు చిరంజీవి, మెగా హీరోలు - ముహూర్తం ఫిక్స్..!!
- Finance Gold Price: షాకిస్తున్న బంగారం ధర.. తగ్గినట్లే తగ్గి మళ్లీ పెరిగిన గోల్డ్ ప్రైస్..
- Automobiles వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- Sports SRHను చూస్తే భయమేస్తోంది- పాక్ దిగ్గజం
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
నా మాటలకు స్పందించే ఎన్టీఆర్ 'అదుర్స్'...తమ్మారెడ్డి
జూ ఎన్టీఆర్ నా మాటలకు పాజిటివ్ గా స్పందించి 'అదుర్స్'లో భిన్న పాత్ర చేశాననీ, ఇక నుంచీ తన ప్రతి సినిమాలో డిఫరెంట్ పాత్రలు చేస్తాననీ చెప్పాడు నాతో అనీ అంటున్నారు తమ్మారెడ్డి భరద్వాజ. అలాగే వెంకటేశ్ 'ఈనాడు'లో డిఫరెంట్ రోల్ చేశా కదా అని చెప్పారని చెప్పారాయన. ఆ మధ్య ఆయన హీరోలపై చేసిన కామెంట్ కు స్పందన అది అని చెప్తున్నారు.అలాగే మన హీరోలంతా ఒకే రకమైన కథలతో సినిమా చేస్తున్నారు. భిన్న పాత్రలు చేయగలిగీ చేయడానికి ప్రయత్నించడం లేదు. ఆ ఉద్దేశంతోటే 'గజిని', 'మై హూ నా', 'లగాన్', 'తారే జమీన్ పర్' వంటి సినిమాలు చెయ్యగల మగాళ్లు తెలుగు హీరోల్లో లేరని చెప్పా. దాన్ని పాజిటివ్గా తీసుకోవాలే కానీ నెగటివ్గా తీసుకుంటే నేనేం చెయ్యలేను. నాకు భాషా పరిజ్ఞానం లేదు. నాది పామరుడి భాష. కావాలనో, సెన్సేషనల్ చెయ్యాలనో ఆ మాటలు చెప్పలేదు. పోతే నేను మాట్లాడే విధానమే అది అని ఆయన సమర్ధించుకున్నారు.ఇక మంచి స్క్రిప్టులు వస్తే తాను చేస్తానని మోహన్బాబూ అన్నారు.అయితే ఇక్కడో సంగతి చెప్పాలి. ఎనిమిదేళ్ల క్రితమే 'గజిని' వంటి గెటప్ ఉండే స్క్రిప్టుని మన హీరోలకు ఇచ్చా. వారు 'ఛీ ఛీ' అని దాన్ని విసిరికొట్టారు అంటూ ముగించారు భరద్వాజ.
తెలుగు హీరోల్లో మగాళ్లు లేరని తమ్మారెడ్డి భరద్వాజ ఆ మధ్య సంచలన వ్యాఖ్యలు చేశారు. బాలల చలన చిత్రోత్సవాల సందర్భంగా ఆయన మీడియాతో మాట్లాడుతూ ఇలా వ్యాఖ్యానించారు. తెలుగులో దమ్మున్న హీరోలు లేరని ఆయన అన్నారు. బాలీవుడ్ లో దమ్మున్న హీరోలున్నారని, వారు ఏ స్క్రిప్టునైనా ఆమోదిస్తారని ఆయన అన్నారు. అమీర్ ఖాన్ లా తారే జమీన్ పర్ వంటి సినిమాల్లో చేసేవారు తెలుగులో ఉన్నారా, అటువంటి సినిమాను అంగీకరిస్తారా అని ఆయన అడిగారు. తారే జమీన్ పర్ సినిమాలాంటిది తెలుగు హీరోలు చేయబోరని ఆయన అన్నారు. తెలుగులోనే కాదు, ఇతర భాషల్లో కూడా బాలల చిత్రాలు రావడం లేదని ఆయన అన్నారు. సినిమా నిర్మాణం డబ్బుతో కూడిన వ్యాపారం కాబట్టి ప్రయోజనాత్మక చిత్రాలు రావడం లేదని ఆయన అన్నారు. అలాగే రీసెంట్ గా ఓ ఛానెల్ కి ఇచ్చిన ఇంటర్వూలో సినిమా వారసులు నటులు కాదంటూ తమ్మారెడ్డి భరద్వాజ వ్యాఖ్యానించి మరోసారి సంచలనానికి తెరలేపారు.