అరుంధతితో అదేం పోలిక?

By Staff

Published: Tuesday, April 7, 2009, 17:27 [IST]

'గతంలో పరాజయం చెందిన 'అరుంధతి' పేరుతో తాజాగా రూపొందిన 'అరుంధతి' ఘన విజయం సాధించింది. అలాగే 'రాత్రి' అనే చిత్రం గతంలో విజయం సాధించలేదు. ఆ పేరుతో రూపొందుతున్న ఈ 'రాత్రి' విజయం సాధించాలని కోరుకుంటున్నాను' అన్నారు తమ్మారెడ్డి భరద్వాజ. 'రాత్రి' (ఎ స్టోరీ ఆఫ్‌ ఎ నైట్‌) అనే నూతన చిత్రం ఆడియో ఆవిష్కరణ సందర్భంగా ఆయన గెస్ట్ గా అటెండ్ అయి మాట్లాడారు. అయితే ఫ్లాపు అయిన టైటిల్ పెడితే హిట్టు అవుతుందనే కాన్సెప్ట్ ఆయన చెప్పటం చాలా మందిని ఆశ్చర్యపరిచింది.

అందులోనూ సూపర్ హిట్టు అయిన అరుంధతి కి ఆ టైటిల్ పెట్టడమే హిట్టయినట్లుగా భావం వస్తోందని చాలా మంది గుసగుసలాడుకున్నారు. ఇక ఈ కార్యక్రమం నిన్న రాత్రి ప్రసాద్‌ లాబ్స్‌ ప్రివ్యూ థియేటర్‌లో జరిగింది. ఆడియో సి.డి.లను తమ్మారెడ్డి భరద్వాజ ఆవిష్కరించి తొలి ప్రతిని వి.ఎన్‌.ఆదిత్యకు అందించారు. ఆడియో కేసెట్లను చంద్రబోస్‌ ఆవిష్కరించి తొలి ప్రతిని ఏవీఎస్‌కు అందించారు.ప్రమోద్‌కుమార్‌ సంగీతాన్ని, సదాచంద్ర సాహిత్యాన్ని సమకూర్చిన ఈ చిత్రం ఆడియోను ఆదిత్య మ్యూజిక్‌ సంస్థ మార్కెట్లోకి విడుదల చేస్తోంది.

More from Filmibeat