Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
చిరంజీవికి డబ్బులే ఇవ్వలేదు.. ఆ కోపంతోనే.. తమ్మారెడ్డి భరద్వాజ కంటతడి
ప్రముఖ సంగీత దర్శకుడు యువన్ శంకర్ రాజా నిర్మాతగా తెరకెక్కించిన చిత్రం ప్యార్ ప్రేమ కాదల్. తమిళనాట ఘనవిజయం సాధించిన ఈ చిత్రాన్ని దర్శకనిర్మాత తమ్మారెడ్డి భరద్వాజ సమర్పణలో శ్రీ తిరుమల ప్రొడక్షన్ పతాకంపై యువన్ శంకర్ రాజా - విజయ్ మోర్వనేని సంయుక్తంగా తెలుగు ప్రేక్షకులకు అందిస్తున్నారు. ఎలన్ ఈ చిత్రంతో దర్శకుడిగా పరిచయం అవుతున్నారు. హరీష్ కళ్యాణ్, రైజ విల్సన్ జంటగా నటించారు. యువన్ శంకర్ రాజా స్వయంగా సంగీతం అందించారు. ఈ సినిమా ట్రైలర్ ని మెగాస్టార్ చిరంజీవి ఆవిష్కరించి ఆశీస్సులు అందించారు.
Recommended Video
ప్లాప్ షో.. చిరంజీవి వెళ్లినా నిరసన, ఇద్దరూ రోడ్డున పడ్డారు!
నాన్నపై కోపంతో
ఈ సందర్భంగా చిత్ర సమర్పకుడు తమ్మారెడ్డి భరద్వాజ మాట్లాడుతూ...'40 ఏళ్ల క్రితం మెగాస్టార్తో `మొగుడు కావాలి` సినిమా తీశాను. మా నాన్నగారిపై కోపంతో చిరుకి ఫోన్ చేసి మనం సినిమా చేయాలి అని అడిగాను. ఆ సినిమా కథేంటి.. దర్శకుడెవరు? అన్నది కూడా అడగకుండా మెగాస్టార్ చిరంజీవి అంగీకరించారు అని తెలిపారు.
చిరంజీవితో అనుబంధం వేరు
చిరంజీవితో నా అనుబంధం వేరు. ఆయనతో రెండు సినిమాలు చేశాను. వాటికి డబ్బులే ఇవ్వలేదు తనకి. అలా జరిగిపోయాయి ఆ రెండు సినిమాలు.ఆ తర్వాత చాలా కాలం సినిమాల పరంగా మేం కలుసుకోలేదు. ఆ తర్వాత నేను దర్శకుడిని అవుతూ `అలజడి` సినిమా చేస్తే నేను పిలవకుండానే ఆయన వచ్చి సక్సెస్ పార్టీ ఇచ్చారు అని తమ్మారెడ్డి ఉద్వేగానికి గురయ్యారు.
చిరంజీవి సాయం
కన్నడ టీవీ షోస్ చేస్తుంటే ఒక అనాథకు కంటి ఆపరేషన్ చేశారు. చిరంజీవి గారిని చూడాలన్నది ఆ అమ్మాయి కోరిక. నేను చెప్పగానే చిరంజీవి అక్కడికి వచ్చారు. అదే రోజు `చరిత చిత్ర` తొలి టీవీ షో ఓపెనింగుకి వచ్చి చిరంజీవి సాయం అందించారు. ఆరోజు చిరంజీవి వేరు. ఇప్పుడు చిరంజీవి వేరు. ఇప్పుడు కూడా మరోసారి ఈ సినిమా ట్రైలర్ ఆవిష్కరించారు.
చిరంజీవి మెగాస్టార్ ఎందుకయ్యాడంటే
చిరంజీవి గురించి ఒక మాట చెప్పాలి. చిరంజీవికి సినిమా అంటే పిచ్చి. నా తొలి సినిమా `కోతలరాయుడు`కి డ్యాన్స్ మాష్టర్లు, ఫైట్ మాష్టర్లు లేరు. ఆయనే ఫైట్ మాస్టర్. ఆయనే డ్యాన్స్ మాస్టర్. నేను నిర్మించిన `మొగుడు కావాలి` టైమ్లో 47రోజుల ఫారిన్ షెడ్యూల్ ఉంది. ప్యారిస్ వెళ్లాలి. షెడ్యూల్స్ వేస్ట్ కాకూడదని ఎంతో రిస్క్ తీసుకుని మరీ షూటింగ్ చేశారు. 40 ఏళ్ల నుంచి ఆయన మెగాస్టార్ ఎందుకయ్యారు అంటే ఇంత కష్టపడ్డారు కాబట్టే... అని తమ్మారెడ్డి భరద్వాజ తెలిపారు.
మెగాస్టార్ ఆశీస్తులతో
యువన్ శంకర్ రాజా తొలి సారి నిర్మాతగా రూపొందించిన `ప్యార్ ప్రేమ కాదల్` చిత్రాన్ని బాగా నచ్చి రిలీజ్ చేస్తున్నాం. 12 పాటలు ఉన్న చిత్రమిది. యంగ్ టీమ్ అద్భుతంగా చేశారు`` అని తమ్మారెడ్డి తెలిపారు. యువన్ శంకర్ రాజా మాట్లాడుతూ-``మెగాస్టార్ ఆశీస్సులతో ఈ సినిమా రిలీజ్ చేయడం సంతోషంగా ఉంది. నిర్మాతగా తొలి ప్రయత్నం ఎంతో ఎగ్జయిటింగ్గా ఉంది. అందరి ఆదరణ కావాలి`` అన్నారు.