వంశీ...తాజా సినిమా వాల్ పేపర్లు వెరైటీగా (ఫోటోలు)

ప్రమెషన్ కోసం వదిలిన వాల్ పోస్టర్లను చూస్తే...ఇదో ప్రేమ కథా చిత్రమని స్పష్టమవుతోంది. ఎందుకంటే ఎక్కడ పడితే అక్కడ ఎడా పెడా లవ్ సింబల్స్ వాడేసారుగా!

వంశీ సినిమా అనగానే గోదావరి యాసతో కూడిన కామెడీ డైలాగులు....మామూలు సినిమాల కామెడీ విభిన్నంగా, ఇది వంశీ సినిమా అని గుర్తు పట్టేలా ఉంటాయి. మరి ఇందులోనూ అలాంటి సీన్లు ఉంటాయా?

వంశీ సినిమాలు ఓలా ఉన్నా...ఆయన సినిమాల పాటులు మాత్రం వినసొంపుగా, మనసుకు హత్తుకునేలా ఉంటాయి. మరి ఈ సినిమాలో చక్రి ఎలాంటి సంగీతం అదించబోతున్నారో చూడాలి.

వంశీ సినిమాలు ఎక్కువగా గ్రామీణ నేపథ్యంలో సాగుతాయి. తాజాగా ఈ సినిమా వాల్ పోస్టర్లు కూడా అదే విషయాన్ని స్పష్టం చేస్తున్నాయి.

ఈ పోస్టర్ చూస్తుంటే....ఈ సారి వంశీ సినిమాలో విషాద ప్రేమ కోణం ఉంటుందేమోననే భావన కలిగిస్తోంది.

వంశీ సినిమాల్లో హీరోయిన్ అందాలకు పెద్ద పీట ఉంటుంది. హీరోయిన్‌ను తెలుగుదనం ఉట్టిపడేలా ఎంతో చక్కగా చూపించే దర్శకుల్లో వంశీ ఒకరు.

ఈ సారి వంశీ తన సినిమాకు అజ్మల్‌ను ఎంచుకోవడాన్ని బట్టి హీరోను భిన్నకోణంలో చూపిస్తాడని స్పష్టం అవుతోంది.

ఈ పోస్టర్ చూస్తుంటే ప్రేమికుల మధ్య ఉండే గిల్లిగజ్జాలు ఈ సినిమాలో చూపిస్తారని తెలుస్తోంది.

వంశీ తన దైన మార్కుకోసం సరికొత్తగా క్రియేటివిటీ చూపిస్తూ ఉంటారు. ‘తను మొన్నే వెళ్లి పోయింది' చిత్రంలో ఆయన క్రియేటివిటీ ఎలా ఉండబోతోందో?

కొన్ని సార్లు క్రియేటివిటీ అతిగా అనిపిస్తుంది. ఇక్కడ హీరోయిన్‌ను ముసుగు వేసిన తీరు కూడా అలానే ఉంది కదూ...

ఇప్పటి వరకు విలన్ క్యారెక్టర్లు, ఇతర చిన్న పాత్రలు మాత్రమే చేసిన అజ్మల్ ఈచిత్రంతో తెలుగులో హీరోగా నిలదొక్కుకుంటాడో లేదో చూడాలి.

‘తను మొన్నే వెళ్లి పోయింది' చిత్రం ప్రస్తుతం షూటింగ్ దశలో ఉంది. త్వరలో ఈచిత్రం ప్రేక్షకుల ముందుకు రానుంది.