యస్...తారకరత్న తొడగొట్టాడు!!

By Staff

| Published: Friday, September 26, 2008, 17:00 [IST]

హఠాత్తుగా నందమూరి తారకరత్న రాజకీయ రంగంలోకి దూకటం అన్ని చోట్లా హాట్ టాపిక్ అయ్యింది. నిన్న గుంటూరు జిల్లా వినుకొండ పర్యటనకొచ్చిన తారకరత్న తెదేపా నియోజకవర్గ ఇన్‌ఛార్జి జి.వి.ఆంజనేయులుతో కలసి పట్టణంలో రోడ్‌షో నిర్వహించారు. ఆ తర్వాత అందరినీ ఉద్దేశించి ఆవేశంగా మాట్లాడాడు. నందమూరి కుటుంబమంతా ఒక్కటే. తెలుగు ప్రజల అభిమాన నాయకుడు ఎన్టీఆర్‌ అడుగుజాడల్లో నడుస్తాం.యువగర్జనతో రాష్ట్రంలో ప్రభంజనం సృష్టిస్తామని అని అన్నారు.

అలాగే.. మా తాతయ్య కోట్లాది మంది అభిమానులను అప్పగించారు. వారి ఆశలు వమ్ముచేయం. నందమూరి వంశీకులంతా బాలకృష్ణ బాబాయ్ వెంటే వుంటా. నందమూరి వారితోనే రాష్ట్రం అభివృధ్ధి చెందుతుంది. బాబాయ్ నిజ జీవితంలో నటించలేరు. తప్పకుండా ఎన్టీఆర్ ఆశయాలను సాధిస్తారు. తొడగట్టి చెప్తున్నా...నందమూరి వంశీయులు గాజులు తొడుక్కుని లేరు అంటూ తారకరత్న తొడగొట్టి మరీ అభిమానులను ఉర్రూతలూగించారు. చివరలో తప్పదన్నట్లుగా చంద్రబాబుకు అండగా నిలబడతాం అనటం అందరినీ ఆలోచనలలో పడేసింది.