మరోసారి విష్ణు బదులుగా తరుణ్ ?

By Staff

Published: Monday, March 9, 2026, 21:32 [IST]

ఒకరు రిజక్ట్ చేసిన పాత్ర మరొకరు చేయటం సినీ పరిశ్రమలో కొత్తేం కాదు.కాని వరసలో ఒక హీరో రిజక్ట్ చేసిన సినిమాలు వేరే హీరో పడుతుంటే ఆలోచించవలిసిందే అని తెలుగు పరిశ్రమ ఇప్పుడు చెవులు కొరుక్కుంటోంది. 'భలే దొంగలు' తో సెకెండ్ ఇన్నింగ్స్ ప్రారంభించిన తరుణ్ తాజాగా కృష్ణవంశి కొత్త సినిమా లో బుక్కయ్యాడు. కాకపోతే ఫిల్మ్ నగర్ వర్గాల కథనం ప్రకారం ఈ సినిమా కూడా విష్ణు రిజెక్ట్ చేసిందేట. కృష్ణవంశి 'జెండాపై కపిరాజు' అనే పేరుతో అల్లుకున్న ఈ కథ మోహన్ బాబు కి నచ్చలేదట. దాంతో విష్ణు ఆ ప్రాజెక్టు నుండి తప్పుకున్నాడట. ఇంతకుముందు కూడా 'రోమియో జూలియట్' పేరుతో 'బంటి అవుర్ బబ్లి' సినిమా ని ప్రీమేక్ చేద్దామనే ప్రపోజల్ తో విజయ్ భాస్కర్ ..విష్ణు ని సంప్రదించాడు.కాని కథ సరిగా నచ్చకపోవటంతో ఆ సినిమా ఆగిపోయింది.దాన్ని తరుణ్ ,ఇలియానాలతో చేసారు.ఫెయలయింది.

దాంతో విష్ణు జడ్జిమెంట్ ని అందరూ ఎగబడి మెచ్చుకున్నారు. ఇప్పుడు సేమ్ టు సేమ్ సిట్యువేషన్ రిపీటయ్యింది .రిజల్ట్ పాజిటివ్ గా వస్తే తరుణ్ కి ఇక ఆఫర్లు కు లోటుండదు. చక్కగా విష్ణు రిజక్ట్ చేసిని సినిమాలన్నీ వరసగా చేసుకుంటూ పోవచ్చు. దర్శక,నిర్మాతలకీ మంచి ఆల్టర్ నేటివ్ దొరికినట్లు. ఇక ఈ సినిమాలో హీరోయన్ గా జెనీలియాని ఎంపికచేసారు. ఖడ్గం చిత్రాన్ని నిర్మించిన కార్తికేయ క్రియేషన్స్ సంస్థ ఈ చిత్రాన్ని నిర్మిస్తోంది. ఇటీవలే సంస్థ కార్యాలయంలో నిర్మాత సుంకర మథు మురళి పూజ కార్యక్రమాలు జరుపి లాంఛనంగా ప్రారంభించారు. విభిన్న కథాంసంతో తెరకెక్కనున్న ఈ సినిమా రెగ్యులర్ షూటింగ్ ఈ నెలాఖరులోగా ప్రారంభం కానున్నది.

More from Filmibeat