విజయ్ దేవరకొండ డైరెక్టర్‌ని వణికించిన నయనతార.. ఎట్టకేలకు ఆ వివాదం గురించి!

కాపీ అంటూ రూమర్స్

టాక్సీవాలా చిత్రం కాపీ అంటూ విడుదల కాక ముందు ప్రచారం జరిగింది. తమిళంలో నయనతార నటించిన డోరా చిత్ర కాన్సెప్ట్ తో టాక్సీవాలా చిత్రాన్ని రూపొందిస్తున్నారని వార్తలు వచ్చాయి. అప్పటికే పైరసీ లీక్ అయి సతమతమవుతున్న చిత్ర యూనిట్ కు ఇది ఒక సమస్యగా మారింది. ఏదైనా సినిమా కాపీ అని వార్తలు వస్తే చాలా ఇంతపెద్ద రచ్చగా మారుతున్నాయో గమనించాం.

నయనతార భయపెట్టేసింది

టాక్సీవాలా చిత్రం షూటింగ్ సగం పూర్తయ్యాక తమిళంలో నయనతార నటిస్తున్న డోరా చిత్రం కూడా దాదాపుగా ఇలాంటి కాన్సెప్ట్ తోనే రాబోతున్నట్లు తెలిసిందని రాహుల్ తెలిపాడు. డోరా చిత్ర పోస్టర్ చూసి చాలా భయపడిపోయా. కారు కాన్సెప్ట్ తోనే ఈచిత్రం కూడా రాబోతున్నట్లు తెలుస్తోంది. దీనితో టాక్సీవాలా చిత్ర షూటింగ్ కొన్ని రోజులు వాయిదా పడిందని రాహుల్ తెలిపాడు.

మొదటి షోకి వెళ్ళా

నా అనుమానం నివృత్తి చేసుకోవడానికి డోరా చిత్రం విడుదలయ్యాక తొలి షోనే చూశా. ఫస్టాఫ్ టాక్సీవాలతో చాలా దగ్గరగా అనిపించింది. కానీ సెకండ్ హాఫ్ మాత్రం ఈ రెండు చిత్రాలకు ఎలాంటి పోలిక లేదని రాహుల్ తెలిపాడు. దీనితో చాలా సంతోషించానని రాహుల్ తెలిపాడు. రెండేళ్ల క్రితం ప్రారంభమైన ఈ చిత్రం వివిధ కారణాల వలన వాయిదా పడుతూ వచ్చింది.

వసూళ్ల సునామి

ఇక టాక్సీవాలా చిత్రం బాక్సాఫీస్ వద్ద దూసుకుపోతోంది. పోటీగా మరో బలమైన చిత్రం లేకపోవడంతో టాక్సీవాలా చిత్రం కలెక్షన్ల చేసుకుంటోంది. ఇప్పటికే ఈ చిత్రం 25 కోట్లకు పైగా గ్రాస్ సాధించడం విశేషం. రజనీకాంత్ 2.0 చిత్రం విద్దులయ్యే వరకు టాక్సీవాలా డ్రీమ్ రన్ కొనసాగనుంది. టాక్సీవాలా చిత్రంతో విజయ్ దేవరకొండ ఈ ఏడాది రెండో విజయం అందుకున్నాడు.