అదే మగధీరలో మిస్టేక్..చిరంజీవి

చిరంజీవి సినిమా చూస్తూ ఎంజాయ్ చేయటమే కాక తప్పులు ఏమన్నా ఉంటే నిశితంగా గమనించటం కూడా మొదటి నుంచీ అలవాటు. అదే కోవలో ఆయన మగధీర చిత్రంలో ఓ సన్నివేశంలో తప్పును పట్టుకున్నారుట. ఆ విషయాన్ని రాజమౌళికి చెప్పినా అప్పటికే ప్రింట్స్ రెడీ అవటంతో సరిచేయలేదు. ఆ తప్పు మరోదో కాదు..ఓ సన్నివేశంలో షెర్ ఖాన్ పాత్ర ధారి శ్రీహరి భైనాక్యులర్ లోనుంచి ఉదయ్ ఘడ్ కోటను చూస్తూంటాడు. అయితే ఆ సమయంలో మనకు కోట తలక్రిందులుగా కనపడుతుంది. అయితే ఆ హడావిడిలో దాన్ని మనం గమనించం. అది గ్రాఫిక్స్ వారి తప్పు. దాన్నే చిరంజీవి పట్టుకుని చూపారు. అదీ సంగతి.