For Quick Alerts
    ALLOW NOTIFICATIONS  
    For Daily Alerts

    అమ్మయ్య!తేజ భాధ మనకిక లేనట్లే?

    By Staff
    |

    teja
    'కేక' సినిమా ఫెయిల్యూర్ ఓ మంచి ఫలితాన్నే ఇచ్చినట్లయింది. తేజ ఇక తెలుగులో దర్శకత్వం చేయనని ప్రకటించారు. ఓ టీవీ ఛానెల్ పెట్టిన కేక సినిమా లైవ్ షో లో తేజ ఆడియన్స్ ఫోన్ లో అడిగిన ప్రశ్నలకు సమాధానమిస్తూ ఈ విషయాన్ని స్పష్టం చేసారు. మీ తర్వాత సినిమా ఏంటి అని ఓ కాలర్ అడిగిన ప్రశ్నకి తాను బాలీవుడ్ కి తరిలిపోతానని,తెలుగులో కేవలం నిర్మాతగానే కొనసాగుతానని తేజ చెప్పారు. అలాగే చాలామంది సినిమా చాలా చెత్తగా తీసారంటే థాంక్యూ అంటూ విచిత్రంగా స్పందించారు.

    తాను కొత్త స్క్రీన్ ప్లేకి ప్రయత్నం చేసానని అది వర్కవుట్ కాలేదని సమర్ధించుకున్నాడు. ఇక ఈ విషయం విన్న చాలా మంది హమ్మయ్య అని ఊపిరి పీల్చుకున్నారు. తేజ తన స్వీయ లాభం కోసం టీనేజ్ పిల్లల మధ్య ప్రేమ కథలు తీస్తూండటం చాలామందికి మింగుడు పడని విషయమే. అయితే అవి హిట్టవటంతో ఇప్పుడు అదే రూటులో మరికొంత మంది దర్శకులు ప్రయాణించి టెన్త్ క్లాస్ ప్రేమ కథలను తెరకెక్కించటం మరింత కలవరపరిచే విషయం. దాంతో కాస్త తేజ లాంటి వాళ్ళు రెస్ట్ తీసుకుంటే అటువంటి చిత్రాల రాక ఆగే అవకాశముందని అభిప్రాయపడుతున్నారు.

    అయితే విశ్లేషకులు మాత్రం తేజా అంటించిన నిప్పు అప్పుడే ఆరదనీ చాలా మంది దర్శకులు,నిర్మాతలు అదే తరహా కథలతో రంగంలోకి దూకటానికి ప్రయత్నాలు చేస్తున్నారని అంటున్నారు. ఇది కొనసాగి సెవెంత్ క్లాస్ ప్రేమ కథలు వచ్చినా ఆశ్చరం లేదంటున్నారు.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X