»   »  'కేక' పెడతాడా..పెట్టిస్తాడా?

'కేక' పెడతాడా..పెట్టిస్తాడా?

Posted By:
Subscribe to Filmibeat Telugu
Keka
రేపు తేజ అంతా కొత్త వారితో నిర్మించానంటూ ప్రచారం చేస్తున్న కేక చిత్రం రిలీజవుతోంది. పి.సి.శ్రీరామ్ కెమెరా పనితనం ప్రత్యేక ఆకర్షణగల ఈ చిత్రం లో సీతారామశాస్త్రిగారబ్బాయి హీరోగా చేసాడు. అలాగే హీరోయిన్ గా ఇషానీ అనే ముంబయి మోడల్ తెలుగు తెరకు పరిచయమవుతోంది. ఇక ఈ సినిమాలో హాట్ హాట్ సన్నివేశాలు ఉన్నాయని ఇప్పటికే ప్రచారం జరిగింది. ప్రేమ కథను కొత్త కోణంలో ఆవిష్కరించానని తేజ చెప్తున్నారు.

ఈ సినిమాతో ఆయన ముఫ్ఫై ఆరు మంది నటీనటీలను తెరకు పరిచయం చేస్తున్నారు. అలాగే ఈ చిత్రం అడాల్ సెన్స్ నుండి టీనేజ్ లోకి ప్రవేశించేటప్పుడు యువతీ యువకుల్లో కలిగే సమస్యలు,సందేహాలు,స్పందనలు సమాహారం అంటున్నాడు. ఈ సినిమా ముఖ్యంగా ఐదు పాత్రలు చుట్టూ తిర్గుతుంది. ఇక ఈ సినిమా కలకత్తా బ్యాక్ డ్రాప్ లో జరుగుతుంది. అలాగే రాజమండ్రి,బెంగుళూరు,హైదరాబాద్ లలో కథా ప్రయాణం జరుగుతుంది. క్లైమాక్స్ మాత్రం కలకత్తాలోనే జరుగుతుంది.వరస ఫ్లాఫ్ లలో ఉన్న తేజ ఇక ఈ సినిమా హిట్టయితే నిలబడతాడు. లేకుంటే మళ్ళీ సినిమా రావటానికి చాలా టైమ్ పడుతుంది. దాదాపు ఐదున్నర కోట్ల తో తీసానంటున్న ఈ సినిమాను ఎవరూ కొనటానికి రాకపోవటం సొంతంగా రిలీజ్ చేసుకోవటం చాలా మంది దర్శకులు గమనించాల్సిన విషయం.

 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

X