‘నీకు నాకు డాష్ డాష్’ అంటూ మొదలెట్టిన తేజ

By Bojja Kumar

| Published: Saturday, October 22, 2011, 17:26 [IST]

చిత్రం, జయం, నువ్వునేను సినిమాతో వెలుగులోకి వచ్చి, టాలెంట్ ఉన్న దర్శకుడిగా పేరు తెచ్చుకున్న తేజ చాలా కాలంగా సరైన హిట్లు లేక చాలా వెనక బడి పోయారు. విభిన్న శైలిలో ఆలోచించటం, కొత్త వారిని ప్రోత్సహిండం, వినూత్నంగా చిత్రకథను తెరకెక్కించే ఈ దర్శకుడు తన తాజా చిత్రం 'నీకు నాకు డాష్ డాష్'కు స్టోరీ మ్యాప్ కు శ్రీకారం చుట్టారు. ఈ సినిమా ద్వారా టాలీవుడ్ కు నూతననటీనటులు పరిచయం అవుతున్నారు. ఆనందప్రసాద్ ఈ చిత్రానికి నిర్మాతగా వ్యవహరిస్తున్నారు.

ఈ సినిమా చిత్రీకరణ ఇటీవలే రామోజీ ఫిల్మ్ సిటీలో ప్రారంభమైంది. కొత్త నటులకు సన్నివేశాలను వివరిచేందుకు మ్యాప్ ను ఆవిష్కరించాడు దర్శకుడు. సన్నివేశం, నేపధ్యం, పాత్రధారులు చేయాల్సిన అంశాలను ఈ మ్యాప్ లో బొమ్మల రూపంలో ఉన్నాయి. దాంతో ఆ మ్యాప్ చూస్తే చేయాల్సిన సన్నివేశాలు ఈజీగా నటీనటులకు అర్థం అవుతుంది. నటీనటులు ఏం చేయాలనే విషయం ఈ విధానంతో స్పష్టంగా అర్ధం అయ్యేలా తేజ ఈ ప్రయత్నం చేశారు.

తర్వాత షెడ్యూల్ కోసం షెడ్యూల్ కోసం 'నీకు నాకు డాష్ డాష్" యూనిట్ అరకు వెళ్లనుంది. అక్కడ కొన్ని సన్నివేశాలతో పాటు పాటలను చిత్రీకరించనున్నారు. మరి తేజ ఈ సారైనా తన ప్రాభవాన్ని నిలుపుకుంటారో? లేదో? అనే అంశం సినీ సర్క్యూట్లో చర్చనీయాంశమైంది. ఈ చిత్రానికి సమర్పణ: వి.కృష్ణకుమారి, ఎగ్జిక్యూటివ్ ప్రొడ్యూసర్: అన్నే రవి.