ఫ్లాఫ్ సినిమాలో వెంకటేష్?

By Staff

Published: Friday, February 6, 2009, 12:39 [IST]

ఫ్యామిలీ హీరో వెంకటేష్ సాధారణంగా కధలు,దర్శకుల విషయంలో చాలా జాగ్రత్తగా ఉంటారు. అయితే అతను తేజ చిత్రంలో తాజాగా కమిట్ అవుతున్నట్లు వార్తలు వస్తున్నాయి. దాంతో అంతా కేక చిత్రం పరాజయం సమయంలో తేజ ఇచ్చిన స్టేట్ మెంట్ ని గుర్తు చేసుకుంటున్నారు. అప్పుడు అతను తన తదుపరి చిత్రం ఫ్లాఫ్...టాగ్ లైన్ ఇంకా డౌటా అన్నాడు. ఇప్పుడదే వెంకటేష్ కి చెయ్యబోతున్నాడా అని కామెంట్ చేస్తున్నారు. నిజానికి తేజ అప్పుడు కేక ప్లాప్ ని తాను చాలా స్పోర్టివ్ గా తీసుకున్నాననే బిల్డప్ ఇవ్వటం కోసం చెప్పాడు. అందులోనూ ఇక బాలీవుడ్ కి తరలి వెళ్ళిపోతానని హామీ కూడా ఇచ్చాడు.

అవన్నీ ప్రక్కన పెట్టి వెంకీ ప్రక్కన చేరి అతని విక్టరీని మార్చదలుచుకున్నాడా అంటున్నారు. ఇక ఫిల్మ్ నగర్ వర్గాల కథనం ప్రకారం..చింతకాయల రవి అనుకున్నంత సక్సెస్ కాకపోవటంతో ఆలోచనలో పడ్డ వెంకీ క్రిష్ ప్రాజెక్టుని కూడా ప్రక్కన పెట్టి వరస పెట్టి కథలు వింటున్నారుట. ఆ క్రమంలో లక్ష్మీ, తులసి, కృష్ణ వంటి చిత్రాలకు కథలు అందించిన ఆకుల శివ చెప్పింది చాలా బాగా అనిపించిందిట. దాంతో ఎప్పటినుంచో వెంకటేష్ తో సినిమా చేయాలని కథలు చెప్పి రిజక్టు అవుతూ వస్తున్న తేజని దర్శకుడుగా అవకాశమిద్దామనుకుంటున్నారని సమాచారం. అందులోనూ అసలు కేక చిత్రం సురేష్ బాబు ప్రారంభించి విషయం గ్రహించి ప్రక్కకు తప్పుకున్నాడు. సర్లే ఇప్పుడు వేరే వారి కథ కదా అని ఓకే అన్నాడని చెప్పుకుంటున్నారు.

More from Filmibeat