బీఎఫ్‌లో తేజస్వి మదివాడ.. ఫుల్లుగా సెక్స్ ఎడ్యుకేషన్.. మూమెంట్ లేదన్న ఐస్‌క్రీం బేబి

బాలక్ పాలక్ మూవీ రీమేక్‌గా

యువ దర్శకుడు శ్రీకాంత్ వెలగలేటి దర్శకత్వంలో రూపొందుతున్న చిత్రం బీఎఫ్. తాత్కాలికంగా ఈ సినిమాకు టైటిల్‌ను ఖరారు చేశారు. ఈ చిత్రం మరాఠీలో ఘన విజయం సాధించిన బాలక్ పాలక్ అనే చిత్రానికి రీమేక్. మరాఠీలో ప్రముఖ నటుడు రితేష్ దేశ్‌ముఖ్ నిర్మించారు.

కీలకపాత్రలో తేజస్వి

ఓ వయస్సు ఉండే యువతి, యువకులకు సెక్స్ ఎడ్యుకేషన్ గురించి అవగాహన కలిగించే చిత్రంగా రూపొందించనున్నారు. ఈ చిత్రంలో తేజస్వి కీలకపాత్రను పోషిస్తున్నారు. మరాఠీలో రవి జాదవ్ తీసిన ఈ చిత్రానికి మంచి ప్రశంసలు లభించాయి.

సినిమా ఆగిపోయిందా?

అయితే ఈ చిత్రం కొన్నాళ్లు వేగంగా షూటింగ్ జరుపుకొన్నది. కానీ ఇటీవల కాలంలో ఈ సినిమా షూటింగ్ అంతగా ప్రోగ్రెస్ లేదు. ఏం జరుగుతున్నది అనే విషయంపై పెద్దగా సమాచారం లేదు.

తేజస్వి మదివాడతో మీడియా

ఈ ఏడాది చివర్లో విడుదల అవుతుందనుకున్న చిత్రం గురించి పెద్దగా సమాచారం లేకపోవడంతో హీరోయిన్ తేజస్విని మీడియా ఆరా తీసిందట. ఆ సందర్భంగా ఆమె మాట్లాడుతూ.. ఈ సినిమా గురించి ఏం జరుగుతున్నదో నాకు తెలియదు. నిర్మాత, దర్శకుల నుంచి కూడా ఎలాంటి సమాచారం లేదు అని చెప్పింది.

బీఎఫ్ అద్భుతమైన సినిమా

బాలక్ పాలక్ అనే మరాఠీ చిత్రంగా రూపొందుతున్న బీఎఫ్ చిత్రంలో భాగమైనందుకు చాలా ఆనందంగా ఉంది. ఆ సినిమాలో అద్భుతమైన అంశాలు ఉన్నాయి. ఆ సినిమా పెద్దలకే కాదు.. పిల్లలకు కూడా బాగా కనెక్ట్ అవుతుంది అని తేజస్వి చెప్పినట్టు మీడియాలో ఓ వార్త వెలుగుచూసింది.