నటుడు టెలిఫోన్‌ సత్యనారాయణ మృతి

By Srikanya

Published: Tuesday, March 19, 2013, 8:14 [IST]

హైదరాబాద్ : నటుడు టెలిఫోన్‌ సత్యనారాయణ సోమవారం చెన్నైలో తుదిశ్వాస విడిచారు. ఆయన 300లకు పైగా చిత్రాల్లో నటించారు. ఎక్కువగా న్యాయమూర్తి, వైద్యుడు లాంటి పాత్రలు పోషించారు. టెలిఫోన్‌ శాఖలో ఉద్యోగిగా పని చేస్తూ నటనపై ఆసక్తితో సినిమా రంగానికి వచ్చారు. తిరుపతి సమీపంలోని తలకోన ఆయన స్వగ్రామం.

తలకోనలో సినిమాలు తీసే దర్శకనిర్మాతలకు ఏర్పాట్ల విషయంలో సహాయసహకారాలు అందించేవారు. సత్యనారాయణ చిత్రసీమలో ఎంతో చక్కగా మెలిగేవారు. ''సత్యనారాయణ అనుభవజ్ఞులైన నటుడు. చెన్నై చిత్రరంగంలో ఎంతోమందికి సహాయకారిగా ఉన్నారు. ఆయన మరణించడం బాధాకరం. ఆయన కుటుంబానికి మా ప్రగాఢ సంతాపం తెలియజేస్తున్నామ''ని మూవీ ఆర్టిస్ట్స్‌ అసోసియేషన్‌ (మా) ఓ ప్రకటనలో తెలిపింది. ధట్స్ తెలుగు ఆయన ఆత్మకి శాంతి కలగాలని కోరుకుంటోంది.

More from Filmibeat