తొలి నుంచి తోడుగా ఉన్న అభిమాని మరణం.. మనస్థాపంలో జూ ఎన్టీఆర్!

మా ప్రయాణం అర్దాంతరంగా ముగుస్తుందనుకోలేదు

"నాకు అత్యంత ఆప్తుడు, కృష్ణ జిల్లా అభిమాన సంఘం ప్రతినిధి జయదేవ్ ఇక లేరు అన్న వార్త నన్ను తీవ్ర మనస్థాపానికి గురి చేసింది. "నిన్ను చూడాలని" చిత్రం‌తో మొదలయిన మా ప్రయాణం ఇలా అర్ధాంతరం‌గా ముగిసిపోతుంది అని ఊహించలేదు." అని యంగ్ టైగర్ వ్యాఖ్యానించారు.

నేను వేసిన తొలి అడుగు నుండి నేటి వరకు

"నటుడి గా నేను చుసిన ఎత్తుపల్లాలలో నాకు వెన్నంటే ఉన్నది నా అభిమానులు. ఆ అభిమానులలో, నేను వేసిన తొలి అడుగు నుండి నేటి వరకు నాకు తోడు‌గా ఉన్న వారి లో జయదేవ్ చాలా ముఖ్యమైన వారు." అంటూ ఎన్టీఆర్ భావోద్వేగానికి గురయ్యారు. ఈ లేఖ చూసిన అభిమానులు సైతం ఎమోషనల్ అయిపోతున్నారు.

‘జయదేవ్ లేని లోటు నాకు తీరనిది: ఫోటో షేర్ చేసిన యంగ్ టైగర్

‘‘జయదేవ్ లేని లోటు నాకు తీరనిది. ఆయన ఆత్మకు శాంతి కలగాలని కోరుకుంటూ, ఆయన కుటుంబానికి నా ప్రఘాఢమైన సానుభూతి తెలుపుతున్నాను.'' అంటూ యంగ్ టైగర్ తన అఫీషియల్ ఫేస్ బుక్ పేజీ ద్వారా ఫోటో షేర్ చేశారు. ఈ పోస్ట్ చూసి నందమూరి అభిమానులు వేలాదిగా రియాక్ట్ అవుతూ సంతపం వ్యక్తం చేస్తున్నారు.

అంత్యక్రియలకు భారీగా తరలి వచ్చిన అభిమానులు

జయదేవ్... కృష్ణ జిల్లా అభిమాన సంఘం ప్రతినిధి కావడంతో జిల్లాతో పాటు ఇతర ప్రాంతాల నుంచి భారీగా అభిమాన సంఘాల నాయకులు, ఫ్యాన్స్ తరలి వస్తున్నారు. యంగ్ టైగర్ వెళ్లి జయదేవ్ కుటుంబ సభ్యులను పరామర్శించే అవకాశం ఉందని టాక్.