Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మద్యం మత్తులో తెలుగు నటుడి వీరంగం: గర్ల్ఫ్రెండుతో కలిసి పోలీస్ స్టేషన్లో రచ్చ రచ్చ!
తెలుగు సినీ నటుడు నండూరి కిరణ్ రెడ్డి అలియాస్ ఉదయ్ కిరణ్ను పోలీసులు అరెస్ట్ చేశారు. కిరణ్ తన గర్ల్ఫ్రెండుతో కలిసి మాదాపూర్ పోలీస్ స్టేషన్లో రచ్చ సృష్టించడంతో పాటు పోలీసులపై దాడికి పాల్పడటమే ఇందుకు కారణం.
తన గర్ల్ఫ్రెండ్ అను గుప్తాతో కలిసి కిరణ్ పీకలదాకా మద్యం సేవించి శుక్రవారం అర్దరాత్రి దాటిన తర్వాత కారులో బయల్దేరారు. మాదాపూర్ పోలీస్ స్టేషన్ సమీపంలో తన ముందు వెళుతున్న నిఖిల్ అనే వ్యక్తి కారును ఢీ కొట్టాడు. అనంతరం కిరణ్, అను గెప్తా... నిఖిల్తో గొడవ పడుతూ రోడ్డు మీద నానా హంగామా క్రియేట్ చేశారు. పోలీసులు జోక్యం చేసుకుని వారిని స్టేషన్ తీసుకెళ్లారు.
పోలీస్ స్టేషన్లో గలాట, దాడి
మద్యం మత్తులో ఉన్న కిరణ్ పోలీసుల ఎదుటే నిఖిల్ మీద దాడి చేయబోయాడు. అడ్డుకోబోయిన పోలీసులపైనా చేయి చేసుకున్నాడు. మరో వైపు అను గుప్తా పోలీసులను బూతులు తిడుతూ అక్కడ ఉన్న కంప్యూటర్, ఫైల్స్, ఫర్నీచర్ను ధ్వంసం చేసింది.
వివిధ సెక్షన్ల కింద కేసు నమోదు
ఈ సంఘటనపై మాదాపూర్ ఇన్స్స్పెక్టర్ వై నాగేశ్వరరావు మాట్లాడుతూ... ‘కిరణ్, అను ఇద్దరూ మద్యం సేవించారు. రాష్ డ్రైవింగ్ చేస్తూ ప్రమాదానికి కారణం అయ్యారు. బాధితుల ఫిర్యాదు మేరకు ఐపిసి సెక్షన్ 279(రాష్ డ్రైవింగ్), మోటర్ వెహికిల్ యాక్టర్ సెక్షన్ 185 (డ్రంక్ అండ్ డ్రైవింగ్) కింద కేసు నమోదు చేసినట్లు తెలిపారు. ప్రభుత్వ ఆస్తులు ధ్వంసం చేసినందుకు, డ్యూటీలో ఉన్న అధికారిపై చేయి చేసుకున్నందుకు కూడా ఇతర సెక్షన్ల కింద కేసు నమోదు చేసినట్లు తెలిపారు.
గతంలో డ్రగ్స్ కేసులో
కిరణ్కు డ్రగ్స్ అలవాటు కూడా ఉందని, 2014లో డ్రగ్స్తో పట్టుబడి అరెస్టయినట్లు పోలీసులు తెలిపారు. ఇతడిపై కాకినాడ పరిధిలో 9 కేసులు, హైదరాబాద్ పరిధిలో 16 కేసులు ఉన్నట్లు వెల్లడించారు.
కిరణ్ నటించిన సినిమాలు
కిరణ్ నటించిన సినిమాల విషయానికొస్తే.... పరారే, యువరాజ్యం, ఫేస్బుక్, రాక్షసులు తదితర తెలుగు సినిమాల్లో నటించాడు.