హీరోయిన్ మీద లైంగిక వేధింపులు: హీరోను తప్పించే ప్రయత్నం జరుగుతోందా?

కేసు తప్పుతోవ పడుతోంది

అయితే ఈ కేసు తప్పుతోవ పడుతోందని బాధి హీరోయిన్ తెలిపారు. ఓ న్యూస్ ఛానెల్‌తో మాట్లాడుతూ విజయవాడ పోలీసులు ఈ కేసును తప్పుదోవ పట్టిస్తున్నారని ఆరోపించారు. తనపట్ల అసభ్యంగా ప్రవర్తించిన సృజన్ ను వదిలేసి, మరో వ్యక్తిని అరెస్ట్ చేసి రిమాండ్ కు పంపారని ఆరోపించింది.

Recommended Video

Sunil and N Shankar Movie Opening... | Sunil | Tollywood |

సృజన్ నుండి ప్రాణహాని ఉంది

సృజన్ ను తప్పించేందుకు అరెస్ట్ చేసిన వ్యక్తికి ముసుగు కట్టి జైలుకు తరలించారని, సృజన్ నుంచి తనకు ప్రాణహాని ఉందని ఆమె ఆందోళన వ్యక్తం చేశారు.

సృజన్ తరుపు లాయర్ ఆరోపణల్లో నిజం లేదు

డబ్బుల కోసమే తాను కేసు పెట్టిందంటూ సృజన్ తరపు న్యాయవాది చేసిన ఆరోపణలను బాధిత హీరోయిన్ ఖండించారు. ఈ కేసులో తనకు న్యాయం చేయాలని ఆమె వేడుకున్నారు.

నిడమానూరు వద్ద సంఘటన

గతవారం నిడమానూ వద్ద హీరోయిన్ మీద కీచక పర్వం సంఘటన చోటు చేసకుంది. వారి కీచక చర్య నుండి తప్పించుకునే క్రమంలో నటి ప్రతిఘటనకు దిగడంతో పెనుగులాట జరిగి నిడమానూరు వద్ద కారు ప్రమాదానికి గురైంది. గాయాలపాలైన ఆమె వెంటనే అక్కడి నుండి తప్పించుకున్నట్లు మీడియా తెలిపారు.

కేసు పెట్టకుండా బెదిరింపులు

ఈ సంఘటన అనంతరం నటి మీడియాతో మాట్లాడుతూ... జరిగిన సంఘటన ఎవరికీ చెప్పొద్దని తనను బ్లాక్ మెయిల్ చేశారని, ఎవరికైనా చెబితే నీ కెరీరే నాశనం అవుతుంది, నీకు ఎవరూ ఛాన్స్ ఇవ్వరు అని బెదిరించారని నటి ఆరోపించిన సంగతి తెలిసిందే.