Tollywood Live updates: తిరుపతిలో సాయిపల్లవి, తండేల్ టీమ్.. ప్రభాస్‌తో బాలీవుడ్ హీరో

యంగ్ టైగర్ ఎన్టీఆర్‌తో బాలీవుడ్ సీనియర్ నటుడు అనుపమ్ ఖేర్ సమావేశమయ్యారు. నా ఫేవరేట్ పర్సన్, యాక్టర్‌ను కలువడం చాలా హ్యాపీగా ఉంది. గత రాత్రి ఆయనను కలిశాను. ఆయన సినిమాలంటే నాకు ఇష్టమని చెప్పాను. ఆయన మరింత శక్తితో ఎదుగాలని ఆశిస్తున్నాను అని అనుపమ్ ఖేర్ అన్నారు.

విజయ్ దేవరకొండ నటించిన కింగ్‌డమ్ సినిమా టీజర్‌కు అనూహ్యమైన రెస్సాన్స్ వస్తున్నది. ఈ సినిమా సోషల్ మీడియాలో నంబర్ 1 స్థానంలో ట్రెండింగ్ అవుతున్నది.

కొరియోగ్రాఫర్, డైరెక్టర్ అమ్మ రాజశేఖర్ రూపొందించిన తల సినిమాకు మంచి బజ్ క్రియేట్ అయింది. ఈ సినిమా ప్రీ రిలీజ్ ఈవెంట్ ఘనంగా జరిగింది. ఈ సినిమాను ముందుకు తీసుకెళ్లడానికి అక్కినేని నాగార్జున తన వంతు ప్రయత్నంగా ఈ సినిమా టికెట్‌ను బుక్ మై షో ద్వారా కొనుగోలు చేస్తారు అని చిత్ర యూనిట్ వెల్లడించింది.

ఇండియన్ సినిమా బాహుబలి ప్రభాస్‌తో కలిసి నా 544వ సినిమాలో నటిస్తున్నాననే విషయం చెప్పడానికి ఆనందంగా ఉంది. ఈ సినిమాకు హను రాఘవపూడి దర్శకత్వం వహిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్నారు అని అనుపమ్ ఖేర్ ట్వీట్ చేశారు.

కలియుగ పుణ్యక్షేత్రం తిరుమలలో తండేల్ సినిమా యూనిట్ సందడి చేసింది. చిత్ర యూనిట్ సభ్యులందరూ శ్రీ బాలాజీ సేవలో తరించారు. శ్రీ వెంకటేశ్వరస్వామికి సాయిపల్లవి, నాగచైతన్య, బన్నీ వాసు, అల్లు అరవింద్, చందూ మొండేటి తదితరులు ప్రత్యేక పూజలు జరిపి స్వామి వారి ఆశీస్సులు అందుకొన్నారు.