Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
గ్యాంగ్ లీడర్, ఖైదీ నెం. 786 చిత్రాల దర్శకుడు విజయ బాపినీడు ఇకలేరు
ప్రముఖ తెలుగు దర్శకుడు, నిర్మాత విజయ బాపినీడు ఇక లేరు. కొంతకాలంగా అనారోగ్యంతో బాధ పడుతున్న ఆయన మంగళవారం హైదరాబాద్లోని ఆయన నివాసంలో కన్నుమూశారు. ఆయన అసలు పేరు గుత్తా బాపినీడు చౌదరి. 1936 సెప్టెంబర్ 22న ఏలూరు సమీపంలోని చాటపర్రులో జన్మించారు.
శోభన్ బాబు, చిరంజీవితో ఆయన ఎక్కువ సినిమాలు చేశారు. తన కెరీర్లో దాదాపు 20కిపైగా చిత్రాలకు దర్శకత్వం వహించిన ఆయన 1976లో వచ్చిన యవ్వనం కాటేసింది సినిమా ద్వారా నిర్మాతగా మారారు. బాపినీడు మరణంపై పలువురు సినీ ప్రముఖులు సంతాపం వ్యక్తం చేశారు.
సినిమాల్లోకి రావడానికి ముందు బాపినీడు... వియజ ఎంటర్టెన్మెంట్ మేగజైన్ ఎడిటర్గా పని చేశారు. 1981లో వచ్చిన 'డబ్బు డబ్బు డబ్బు' సినిమా ద్వారా దర్శకుడిగా కెరీర్ ప్రారంభించి విజయం అందుకున్నారు. ఆ తర్వాత ఆయనకు వరుస సినిమా అవకాశాలు వచ్చాయి.
పతివ్రతలు, మగ మహారాజు, మహానగరంలో మాయగాడు, హీరో చిత్రాలు కమర్షియల్గా విజయం సాధించాయి. చిరంజీవి మెగాస్టార్గా ఎదగడంలో విజయబాపినీడు దర్శకత్వంలో వచ్చిన మగ మహారాజు, ఖైదీ నెం.786, గ్యాంగ్ లీడర్, మగధీరుడు చిత్రాలు దోహదం చేశాయి. చిరంజీవి రీ ఎంట్రీ మూవీ 'ఖైదీ నెం.150' వేడుకలో విజయ బాపినీడు పాల్గొన్ని చిరంజీవితో మరో సినిమా చేయాలనే కోరిక బయట పెట్టారు.