కరోనా కల్లోలం..అయినా వెనక్కి తగ్గమంటున్న టాలీవుడ్ హీరోలు..షూట్స్ లో బిజీబిజీగా ఎవరెవరంటే?

అఖండ

నందమూరి బాలకృష్ణ బోయపాటి దర్శకత్వంలో తెరకెక్కుతున్న ఈ సినిమా షూటింగ్ ప్రస్తుతం హైదరాబాద్ లో జరుగుతోంది. కరోనా కేసులు భారీగా నమోదవుతున్నా సరే ఈ సినిమా షూటింగ్ కు మాత్రం బ్రేకులు పడకుండా వీలైనంత త్వరగా పూర్తి చేయాలని దర్శకుడు భావిస్తున్నారు. తాజాగా ఈ సినిమా నుంచి విడుదలైన టీజర్ బ్రహ్మాండమైన స్పందన తెచ్చుకుంటూ రికార్డులు బద్దలు కొట్టే దిశగా పయనిస్తోంది. లెక్క ప్రకారం ఈ సినిమా మే నెలలో రిలీజ్ కావాల్సి ఉంది. అయితే అప్పటికి థియేటర్ లో ఓపెన్ చేస్తే సినిమా రిలీజ్ చేసేందుకుగాను సినిమా షూటింగ్ వాయిదా వేయకుండా చేస్తున్నట్లు చెబుతున్నారు.

పుష్ప

అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న ఈ సినిమా షూటింగ్ కూడా హైదరాబాద్ జరుగుతోంది. పబ్లిక్ కి ఎలాంటి సంబంధం లేని ప్రదేశంలో ఈ సినిమా షూటింగ్ జరుగుతున్న నేపథ్యంలో ఈ సినిమా షూటింగ్ కి కూడా ఇబ్బందులు లేవని తెలుస్తోంది. హైదరాబాద్ శివార్లలో ఉన్న ఒక ప్రత్యేకమైన ప్రదేశంలో ఈ సినిమా షూటింగ్ జరుగుతున్నట్లు తెలుస్తోంది. ప్రస్తుతం అల్లు అర్జున్ కూడా ఈ సినిమా షూటింగ్ లో పాల్గొంటున్నారు. అల్లు అర్జున్ తో పాటు హీరోయిన్ రష్మిక మందన, స్పెషల్ పాత్రలో నటిస్తున్న అనసూయ కూడా షూటింగ్ లో పాల్గొంటున్నట్లు తెలుస్తోంది

శ్యామ్ సింగరాయ్

న్యాచురల్ స్టార్ నాని నటిస్తున్న ఈ సినిమా షూటింగ్ కూడా జరుగుతోంది. రాహుల్ సాంకృత్యాయన్ దర్శకత్వంలో తెరకెక్కుతున్న ఈ సినిమా షూటింగ్ ప్రస్తుతం పబ్లిక్ ఎలాంటి సంబంధం లేని ప్రదేశంలో జరుగుతోంది. దీంతో ఈ సినిమా షూటింగ్ కూడా నిరాటంకంగా జరుగుతోంది. ఈ సినిమా కోసమే నిర్మించిన ప్రత్యేక గుడి సెట్ లో ఈ సినిమా షూటింగ్ జరుగుతున్నట్లు తెలుస్తోంది. ఎలాంటి బ్రేక్ లేకుండా ఈ సినిమా షూటింగ్ పూర్తి చేయాలని భావిస్తున్నట్లు చెబుతున్నారు..

మహా సముద్రం

ఆర్ఎక్స్ 100 దర్శకుడు అజయ్ భూపతి దర్శకత్వంలో తెరకెక్కుతున్న ఈ మల్టీస్టారర్ సినిమా ప్రస్తుతం వైజాగ్ లో షూటింగ్ జరుపుకుంటోంది. శర్వానంద్, సిద్ధార్థ హీరోలుగా నటిస్తున్న ఈ సినిమాలో అదితి రావు హైదరి, అను ఇమ్మానియేల్ హీరోయిన్స్ గా నటిస్తున్నారు. ప్రస్తుతం ఈ నలుగురు కూడా షూటింగ్ లో పాల్గొంటున్నారని తెలుస్తోంది. ముందు చెప్పిన షెడ్యూల్ ప్రకారం ఆగస్టు 19న ఈ సినిమాను రిలీజ్ చేయాలని షూటింగ్ చేస్తున్నట్లు చెబుతున్నారు.

అంటే సుందరానికీ

టైటిల్ తోనే ఆసక్తి రేకెత్తించిన ఈ సినిమా షూటింగ్ కూడా హైదరాబాద్ శివార్లలో జరుగుతున్నట్లు తెలుస్తోంది. హీరో నాని ఒకపక్క శ్యాం సింగరాయ్ సినిమా షూటింగ్ లో పాల్గొంటూనే ఈ సినిమా షూటింగ్ లో కూడా పాల్గొంటున్నట్లు తెలుస్తోంది. తాజాగా ఈ సినిమాలో హీరోయిన్ గా నటిస్తున్న నజ్రియా నజీమ్ కూడా ఈ సినిమా షూటింగ్ లో పాల్గొంటున్నట్లు తన సోషల్ మీడియా వేదికగా ప్రకటించిన సంగతి తెలిసిందే. వివేక్ ఆత్రేయ దర్శకత్వంలో తెరకెక్కుతున్న ఈ సినిమాకి వివేక్ సాగర్ సంగీతం అందిస్తున్నారు.

థాంక్యూ

నాగచైతన్య హీరోగా నటిస్తున్న ఈ సినిమాకి విక్రమ్ కుమార్ దర్శకత్వం వహిస్తున్నారు. సాయి పల్లవితో లవ్ స్టోరీ సినిమా షూటింగ్ పూర్తయిన వెంటనే ఈ సినిమా షూటింగ్ మొదలు పెట్టాడు చైతన్య. అయితే కరోనా కేసులు భారీగా నమోదవుతున్నా సరే ఈ సినిమా షూటింగ్ జరుగుతున్నట్లు తెలుస్తోంది. ఈ సినిమాలో హీరోయిన్ గా నభా నటేష్ ను ఎంపిక చేశారనే ప్రచారం జరుగుతోంది అయితే ఆ విషయం మీద క్లారిటీ రావాల్సి ఉంది.