టీడీపీలోకే భూమిక?

By Staff

Published: Saturday, March 14, 2009, 10:44 [IST]

ఎలక్షన్స్ దగ్గరపడ్తూండటంతో ఎక్కడెక్కడి హీరో, హీరోయిన్స్ అంతా తలో పార్టీలో చేరి ప్రచారానికి రెడీ అవుతున్నారు. ఈ నెపధ్యంలో తెలుగుదేశం పార్టీలో భూమిక చేరే అవకాశాలున్నట్లు అంతటా వినిపిస్తోంది. యోగా గురు భరత్‌ టాగూర్‌ను వివాహం చేసుకున్న తర్వాత భూమిక హైదరాబాద్‌లోనే నివాశం ఉంటోంది. ఇక్కడే రకరకాల బిజినెస్‌ లు కూడా ప్రారంభించింది. అంతేగాక ఆమెకు రాజకీయాలపై ఆసక్తి ఉందని, ఎప్పటికప్పుడు జరిగే విషయాలు తెలుసుకుంటూంటుందని సన్నిహితులు చెప్తూంటారు. మరో ప్రక్క సింహాద్రిలో ఎన్టీఆర్ ప్రక్కన చేసిన ఆమెకు అప్పటినుండీ రిలేషన్ షిప్ మెయింటైన్ చేస్తూనే ఉందని సమాచారం. ఈ నేఫద్యంలో ఇక నిన్న జరిగిన ఎన్టీఆర్‌ మెమోరియల్‌ బ్లడ్‌ బ్యాంక్‌ తొలి వార్షికోత్సవంలో పాల్గొంది.

దీంతో ఆమె టీడీపీలో చేరే అవకాశం ఉందని బలంగా వినిపిస్తోంది. దాంతో నందమూరి హీరోలు తప్ప ఇంత వరకు పెద్దస్టార్లు లేని టీడీపీలోకి చేరటం ఆనందాన్నే కలుగుచేస్తోంది. అయితే తెలుగు సరిగా రాని ఆమె ప్రచారానికి వెళ్తుందా అనేదే సందేహమే అంటున్నారు. భూమిక ప్రస్తుతం రాజశేఖర్ సరసన నా రూటే సెపరేట్ అనే చిత్రంలో నటిస్తోంది. మళయాళ సూపర్ హిట్ హలో చిత్రానికి రీమేక్ గా వస్తున్న ఈ చిత్రాన్ని రామ్ ప్రసాద్ డైరక్ట్ చేస్తున్నారు. అలాగే నవదీప్ సరసన యోగం అనే చిత్రంలో నటిస్తూ నిర్మిస్తోంది. తమ్ముడు ఫేమ్ అరుణ్ ప్రసాద్ డైరక్షన్ లో వస్తున్న ఈ చిత్రం రిలీజుకు రెడీగా ఉంది. ఇక తన డౌన్ టౌన్ ఎంటర్టైన్ మెంట్స్ పై ఆమె సత్యభామ దర్శకుడు శ్రీహరి నాను తో ఓ చిత్రాన్ని ప్లాన్ చేస్తోన్న సంగతి తెలిసిందే.

More from Filmibeat