నయనతార ప్లేస్ లోకి సోనియా?

By Staff

Published: Tuesday, January 20, 2009, 10:54 [IST]

'హ్యాపీడేస్‌' చిత్రంతో కుర్రాళ్ళ గుండెలను తన న్యూడిల్స్ లాంటి జుట్టుకు ముడివేసిన శ్రావ్స్‌...సోనియా... ఇప్పుడో బ్రహ్మాండమైన ఆఫర్ సంపాదించింది. రన్,పందెంకోడి వంటి సినిమాలతో తెలుగు వారికి పరిచయమైన ప్రముఖ దర్సకుడు లింగు స్వామి దర్శకత్వంలో ఆమె నటించబోతోంది. 'పయ్యా' అనే పేరుతో రూపొందుతోన్న ఈ తమిళ చిత్రంలో ఆమె కీలకపాత్రను పోషించనున్నట్లు సమాచారం. అలాగే ఈ చిత్రంలో సూర్య తమ్ముడు పరుత్తివీరన్ ఫేమ్ కార్తీక్ హీరోగా చేస్తున్నాడు. అయితే ఈ చిత్రంలో ఆ పాత్రకు మొదట నయనతారని అడగటం జరిగింది. అయితే ఆమె వరస ఫ్లాపులు ఇవ్వటంతో రేటు తగ్గించుకోమని అడిగారు.

కానీ ఆమె ససిమేరా అనటంతో ఆ పాత్ర కోసం చాలామందిని అడిగినట్లు సమాచారం. అయితే కొందరు ఆ పాత్రకు కాదు సోనియాని తీసుకున్నది..మరో కీ రోల్ కోసం అని చెప్తున్నారు. ఇక ఈ చిత్రం తెలుగులో కూడా డబ్బింగ్ అయ్యే అవకాశం ఉంది.ఇక సోనియా వినాయకుడు అనంతరం తెలుగు చిత్రాలేవీ ఒప్పుకోలేదాని సోనియాని అడిగితే... ''ప్రస్తుతానికి రెండు మూడు కథలు విన్నాను. వాటిలో మంచిదాన్ని ఎంచుకోవాలి. ఈలోగా తమిళ చిత్రం పూర్తవుతుందని అంగీకరించాన''ని చెప్తోంది. కానీ సోనియాకి కంగ్రాట్స్ చెప్పాల్సిన సమయం ఇది.

More from Filmibeat