ఫ్లాపు కూడా రీమేక్ !?

By Staff

| Published: Thursday, May 8, 2008, 19:08 [IST]

వ్యవస్ధ లోని అవలక్షణాలని వ్యక్తుల అవకాశవాదాన్ని టార్గెట్ చేస్తూ వచ్చిన సెటైర్ సినిమా ఇదీ సంగతి. టబు ప్రథాన పాత్రలో వచ్చిన ఈ చిత్రం ప్రముఖ పాత్రకేయుడు పతంజలి రాసిన మేరా భారత్ మహాన్ అనే నవల ఆథారంగా రూపొందింది. హ్యూమర్ గా తీసిన ఈ నవలా చిత్రం స్క్రీన్ ప్లే లోపంతో నసలా తయారై ప్రేక్షకుల పాలిట హ్యామర్ గా మారింది. నిర్మాత కూడా ఆయనే కావటంతో పూర్తి స్ధాయిలో నష్టాలు తెచ్చిపెట్టినా యేమి కామెంట్ చెయ్యలేని స్థితిలో పడ్డాడు. ఈ ప్రాజెక్టుని రిజెక్టు చేసినవాళ్ళు మాత్రం ముందే చెప్పాం వర్కవుట్ కాదని మునిగిపోయాడంటూ బహిరంగంగానే పరిశ్రమలో కామెంట్లు చేసారు. కాని ఇప్పుడు సీను రివర్స్ అయ్యేటట్లు కవపడుతోంది.

ఇదీ సంగతి సినిమాని ఓ కార్పోరేట్ నిర్మాణ సంస్థ రైట్స్ తీసుకుని తమిళ,హిందీ భాషల్లోకి రీమేక్ చెయ్యాలనే ఆలోచనలతో సిద్దార్దతో సంప్రదింపులు జరుపుతోందిట. అందులో ఏం నచ్చిందో గాని చంద్ర సిద్దార్ధనే దర్శకుడుగా చెయ్యమంటున్నారట. అంతే గాక ఆయన చెప్పిన కథలు నచ్చి ఆ సంస్ధ రెండు సినిమాలు తీసిపెట్టమని కూడా అడిగిందిట. డబ్బు కూడా బాగానే ఆఫర్ చేస్తున్నారట. ఆ విషయమై కాంట్రాక్ట్ రాయించుకోవటానికి డిసైడ్ అవుతోందిట. దాంతో సిద్దార్ధ ఫీలింగ్స్ ఎలా ఉన్నా కాదన్న వారు మాత్రం షాక్ కి లోనయ్యారట. మంచి అవకాశం మిస్సయ్యామే అని భాధపడుతున్నారట. కలిసొచ్చే కాలం వస్తే బళ్ళు ఓడలవుతాయి....ఓడలు ...ఇదీ సంగతి