హోమ్

న్యూస్

మగధీర
రాజమౌళి దర్శకత్వంలో రామ్ చరణ్ తేజ హీరోగా వచ్చిన ఈ చిత్రం ఈ యేటి మేటి క్రౌడ్ ఫుల్లర్ అనటంలో సందేహం లేదు. గ్రాఫిక్స్ ప్రధానంగా ఈ చిత్రం రూపొందినా రామ్ చరణ్ అభినయం, కజల్ అందచందాలు,కీరవాణి కిక్కిచ్చే పాటలు ఈ చిత్రాన్ని టాప్ ప్లేస్ లో నిలబెట్టాయి.

అరుంధతి
2009 లో జెన్యూన్ హిట్ చిత్రం ఏది అంటే తడుముకోకుండా చెప్పే చిత్రం అరుంధతి. అనూష్క ప్రధానపాత్రలో వచ్చిన ఈ చిత్రంలో కథ, కథనం, గ్రాఫిక్స్ హీరోల్లా కీ రోల్ పోషించాయి. సీనియర్ దర్శకుడు కోదండ రామిరెడ్డి దర్శకత్వంలో వచ్చిన ఈ చిత్రం మార్నింగ్ షో నుంచే మౌత్ టాక్ తో చెలరేగిపోయింది. నిర్మాత శ్యామ్ ప్రసాద్ రెడ్డికి ఎనలేని కీర్తిని తెచ్చిపెట్టింది.

కిక్
రవితేజ, ఇలియానా కాంబినేషన్లో సురేంద్రరెడ్డి దర్శకత్వంలో వచ్చిన ఈ చిత్రం కామిడీతో దూసుకెళ్ళిపోయింది. మొదట్లో డివైడ్ టాక్ తెచ్చుకున్నా తర్వాత అధ్బుతమైన కలెక్షన్స్ తెచ్చిపెట్టింది. ఈ చిత్రంతో దర్శకుడు సురేంద్రరెడ్డి క్రేజ్ మరికాస్త పెరిగింది. అతనొక్కడే దర్శకుడు అనిపించుకుంటూ వస్తున్న ఆయన కిక్ దర్శకుడుని అని గర్వంగా చెప్పుకునే పరిస్ధితి ఏర్పడింది.

బెండు అప్పారావు ఆర్.ఎం.పి
అల్లరి నరేష్ హీరోగా ఇవివి సత్యనారాయణ దర్శకత్వంలో సురేష్ ప్రొడక్షన్స్ నిర్మించిన ఈ చిత్రం వరస ఫ్లాఫుల్లో ఉన్న పరిశ్రమకు ధైర్యాన్నిచ్చింది. కాస్త బాగా తీసినా అద్బుతంగా ప్రేక్షకులు ఆదరించటానికి రెడీగా ఉన్నారనే విషయాన్ని ఈ చిత్రం ప్రూవ్ చేసింది.

ఈ యేటి మేటి చిత్రాలుగా నిర్మాతలకు సొమ్ము చేసి పెట్టిన ఈ నాలుగు చిత్రాలలో రెండు(మగధీర,అరుందతి) గ్రాఫిక్స్ ఫ్రధానం కాగా మిగిలిన రెండూ (కిక్, బెండు అప్పారావు) కామిడి ప్రధానంగా నడుస్తూ అలరించటం విశేషం. ఇక మిగతా చిత్రాల్లో కొన్ని నిర్మాతలకు డబ్బు తెచ్చిపెట్టి యావరేజ్ అనిపించుకున్నాయి తప్ప పెద్దగా పేరు తెచ్చుకోలేకపోయాయి.