విజయ్‌కు తారక్ ఫోన్.. నిర్మాత మహేశ్ ప్రకటన.. ఇప్పటికైనా వాళ్ల మధ్య గొడవ ఆగుతుందా.!

విజయ్‌ను కలిసిన తెలుగు నిర్మాత

ఇళయదళపతి విజయ్‌ ఇటీవల ‘విజిల్' (తమిళంలో బిగిల్) అనే సినిమాతో ప్రేక్షకుల ముందుకు వచ్చారు. ఇది సూపర్ హిట్ అయింది. ఈ సినిమాను టాలీవుడ్ నిర్మాత మహేశ్ కోనేరు తెలుగులో విడుదల చేశారు. ఇక్కడ కూడా సినిమా మంచి వసూళ్లను రాబట్టింది. దీంతో ఆయన హీరో విజయ్‌ను కలిశారు.

ఈ సారి డైరెక్టుగా వస్తానన్నారు

విజయ్‌తో జరిగిన సమావేశం గురించి మహేశ్ కోనేరు సోషల్ మీడియా వేదికగా వివరించారు. ఈ మేరకు తన ట్విట్టర్‌లో ‘విజయ్ సార్‌ను కలిశాను. ఆయన అంత పెద్ద స్టార్ అయినప్పటికీ సింపుల్‌గా ఉన్నారు. అంతేకాదు, ‘విజిల్'ను తెలుగులో ప్రమోట్ చేసిన విధానం ఆయనకు నచ్చింది. ఈ విషయంలో నన్ను మెచ్చుకున్నారు. తర్వాతి సినిమాకు తెలుగు ప్రేక్షకులను కలుస్తానని హామీ ఇచ్చారు' అని వెల్లడించారు.

తారక్ సార్‌తో మాట్లాడారు

ఇదే ట్వీట్‌లో మహేశ్ కోనేరు ఓ ఆసక్తికరమైన విషయాన్ని కూడా వెల్లడించారు. ‘విజయ్ సార్‌ను కలిసిన సమయంలో ఓ సంతోషకరమైన సంఘటన జరిగింది. ఆయనతో జూనియర్ ఎన్టీఆర్ సార్ ఫోన్‌లో మాట్లాడారు. ఇద్దరూ ఒకరిని ఒకరు అభినందించుకున్నారు' అని ఆయన పేర్కొన్నారు. దీంతో ఈ విషయం హాట్ టాపిక్ అవుతోంది.

హీరోల అభిమానుల మధ్య వార్

రెండు పరిశ్రమల్లో స్టార్ హీరోలుగా వెలుగొందుతున్న జూనియర్ ఎన్టీఆర్, విజయ్ ఫ్యాన్స్ మధ్య గొడవ జరుగుతున్న విషయం తెలిసిందే. డ్యాన్స్ చేయడంలో వీరిద్దరిలో ఎవరు గొప్ప అనే టాపిక్ విషయంలో ఈ వార్ స్టార్ట్ అయింది. ఇప్పుడది చిలికి చిలికి గాలి వానలా మారింది. ప్రస్తుతం సోషల్ మీడియాలో ఇది హాట్ టాపిక్ అవుతోంది.

Recommended Video

#CineBox : Prabhas To Have Dual Role In His Next Period Drama 'Jaan' ?

హీరోల సంభాషణతో బ్రేక్ పడేనా

ఇద్దరు స్టార్ హీరోల అభిమానుల మధ్య గొడవలు జరుగుతున్న నేపథ్యంలో మహేశ్ కోనేరు చేసిన ట్వీట్ చర్చనీయాంశం అవుతోంది. విజయ్ - జూనియర్ ఎన్టీఆర్‌లో ఫోన్ కాల్ ద్వారా మాట్లాడుకున్నారనే వార్త బయటకు రావడంతో ఈ గొడవకు బ్రేక్ పడుతుందనే అభిప్రాయాలు వ్యక్తం అవుతున్నాయి.