ఎన్టీఆర్ అన్న వీరరాఘవ రెడ్డిగా జీవించాడు.. అరవింద సమేత విజయం వారిదే!

వీర రాఘవుడిగా జీవించాడు

అరవింద సమేత చిత్రానికి తమన్ సంగీతం అందించాడు. ఈ చిత్ర విజయం పట్ల తమన్ సోషల్ మీడియా వేదికగా స్పందించాడు. వీరరాఘవుడి పాత్రలో ఎన్టీఆర్ అన్న జీవించాడు. త్రివిక్రమ్ శ్రీనివాస్ నుంచి అద్భుత చిత్రం వచ్చింది అని తమన్ తెలిపాడు.

ఈ విజయం వారిదే

అరవింద సమేత ఇంతటి ఘనవిజయం కావడానికి కారణం వీరే అంటూ తమన్ చిత్ర యూనిట్ లోని కొందరి పేర్లని ప్రస్తావించాడు. ఈ చిత్రానికి సినిమా టోగ్రాఫర్ గా పనిచేసిన పీఎస్ వినోద్, ఎడిటర్ నవీన్ నోలి, సాహిత్యాన్ని అందించిన రామజోగయ్య శాస్త్రి, సిరివెన్నెల, నిర్మాత రాధాకృష్ణ పేర్లని తమన్ ఈ సందర్భంగా ప్రస్తావించాడు.

అద్భుతమైన సంగీతం

ఇదిలా ఉండగా ఈ చిత్రానికి తమన్ అందించిన సంగీతానికి అద్భుతమైన రెస్పాన్స్ వస్తోంది. ఈ చిత్రంలో ఉన్నది నాలుగు పాటలే అయినా అన్నీ ఆకట్టుకున్నాయి. ముఖ్యంగా ఎమోషనల్ గా సాగే పెనీవిటి సాంగ్ గురించి అంతా చెప్పుకుంటున్నారు. సినిమా ఎమోషన్ కు తగ్గట్లుగా బ్యాక్ గ్రౌండ్ సంగీతం అందించాడని అంటున్నారు.

త్రివిక్రమ్, ఎన్టీఆర్ ప్రశంసలు

చిత్ర ప్రీరిలీజ్ ఈవెంట్ లో ఎన్టీఆర్ తమన్ పై ప్రశంసలు కురిపించిన సంగతి తెలిసిందే. తమన్ తప్ప ఈ చిత్రానికి మరొకరు సంగీతం అందించలేరని ఎన్టీఆర్ పేర్కొన్నాడు. ఇటీవల ప్రచార కార్యక్రమాలలో భాగంగా త్రివిక్రమ్ మాట్లాడుతూ.. పెనీవిటి సాంగ్ ని తమన్ కేవలం 15 నిమిషాలలో కంపోస్ చేశాడని తెలిపారు. ఈ చిత్రంలో పాటలు బాగా రావడానికి ఎంతో కష్టపడ్డాడని తెలిపారు.