హోమ్

న్యూస్

తమన్ 'దూకుడు', 'బిజినెస్‌మేన్' సినిమాలతో మంచి టచ్‌లో ఉన్నాడు. ఇందులో చాలా మంచి బాణీలిచ్చాడు. రెండు పాటలకు నా వాయిస్ అయితే బాగుంటుందని నాచేత పాడించాడు. ఇందులోని పాటలు ఇప్పుడు ఎఫ్.ఎమ్.లో మారుమోగుతున్నాయి. నిజం చెప్పాలంటే ఈ సినిమాకి రెండో హీరో తమనే అంటున్నాడు సిద్దార్ధ. ఆయన తాజా చిత్రం లవ్ ఫెయిల్యూర్ విడుదల సందర్భంగా మీడియాతో మాట్లాడుతూ ఇలా స్పందించాడు. బెల్లంకొండ సురేశ్ సమర్పణలో ఎటాకి ఎంటర్‌టైన్‌మెంట్, వై నాట్ స్టూడియోస్ సంస్థలు సంయుక్తంగా నిర్మించిన 'లవ్ ఫెయిల్యూర్'లో ఆయన హీరోగా నటించారు. ఎటాకి ఎంటర్‌టైన్‌మెంట్ బేనర్ ఆయనదే. నూతన దర్శకుడు బాలాజీ మోహన్ రూపొందించిన ఈ చిత్రం ఈ నెల 17న (శుక్రవారం) విడుదలవుతోంది.

అలాగే చిత్రం గురించి మాట్లాడుతూ..ఈ రోజుల్లో లవ్ ఫెయిల్ కాగానే కుర్రాళ్లు గడ్డాలు పెంచేసుకొని, బాగా మందు కొట్టేసి జీవితాల్ని నాశనం చేసుకుంటున్నారు. జీవితం అంటే అది కాదు. ప్రపంచంలో చాలామంది అమ్మాయిలున్నారు. ఇంకా సాధించాల్సింది చాలా ఉంది కాబట్టి లైట్ తీసుకొమ్మని చెప్పే సున్నితమైన సందేశం ఉండే సినిమా ఇది. 'లవ్ సక్సెస్' అని పెడితే రొటీన్‌గా ఉందని తీసేస్తారు అన్నారు. ఇక 'ధూమ్', 'ధూమ్2', 'బిల్లా' సినిమాలకు పనిచేసిన నిరవ్ షా సినిమాటోగ్రఫీ ఎక్సలెంట్ గా ఉంటుందని చెప్పారు.