'కత్తి'లో తెలియని కోణాలు.., కొట్టి చెప్పమంటారా?: పవన్ ఫ్యాన్స్‌తో వివాదంపై తమ్మారెడ్డి

వివాదంపై తమ్మారెడ్డి..:

ఈ విషయంలో కత్తి మహేష్‌కి నేను చాలా సార్లు చెప్పాను. మన అభిప్రాయం ఎదుటివాళ్లకి నచ్చనప్పుడు వాళ్లు తిడతారు. మళ్లీ దానిపై రెస్పాండ్ అయితే ఇలాగే ఉంటుంది.

నేను కూడా తిట్టాను:

నేను కూడా హీరోలను తిట్టాను. నన్ను ఆ హీరోల అభిమానులు తిడుతూ పోస్ట్‌లు చేస్తుంటారు. వాటిపై నేను మళ్లీ రెస్పాండ్ అయితే పెద్ద వివాదం అవుతుంది. అందుకే తిడితే తిట్టారులే అని ఊరుకుంటాను. అంతే ఫుల్ స్టాప్. ఇదే విషయం కత్తి మహేష్‌కి చాలా సార్లు చెప్పారు. అయినా వినలేదు.

కొట్టి చెప్పమంటారా?:

పవన్ కల్యాణే రావాలి. నా సమస్య తీర్చాలి అంటే నేనేం చేయను. కొట్టి చెప్పమంటారా? తిట్టి చెప్పమంటారా?.. ఇప్పటికీ చాలాసార్లు చెప్పాను.

నావల్ల కాదు..:

ఈ వివాదంతో నీవు రోజురోజుకీ దిగజారిపోతున్నావని కూడా మహేష్ కత్తికి చెప్పి చూశా. ఇంకా ఏం చేయాలి? ఈ సమస్యకు ఫుల్ స్టాప్ పెట్టడం నా వల్ల కాదు. నేను రాజీ చేయలేను.

కత్తిలో తెలియని కోణాలు:

మహేష్ కత్తి గురించి నాకు చాలా తెలుసు. సినీ విమర్శకుడి కోణం మాత్రమే కాదు సామాజికంగా.. సాంస్కృతికంగా.. రాజకీయంగా.. మహేష్ కత్తి మంచి తెలివి తేటలు ఉన్న వ్యక్తి. యాక్టివిస్ట్ గానూ ఉన్నాడు.

అయితే అనవసరంగా ఈ వివాదాన్ని సాగదీయడం వల్ల తనూ డిస్టర్బ్ అయ్యాడు. మ‌హేశ్ కత్తి.. త‌న మానాన త‌ను మంచి బ‌తుకు బతుకుతున్నాడు.. ఫైనాన్షియల్‌గా కాదు.. విలువలతో. కానీ ఈ వివాదం వల్ల ఆయనకే నష్టం జరుగుతుందేమో!

సాగదీస్తే కష్టం:

సాగదీస్తే ఎంతదూరమైనా సాగే అవకాశం ఉంది కాబట్టి.. ఇకనైనా దీనికి ముగింపు పలకాల్సిన అవసరముంది. ఇరువురు సంయమనం పాటిస్తే మంచిది. విమర్శలు ఇలాగే కొనసాగుతూ పోతే ఎంతదూరమైన వెళ్లవచ్చు.