కత్తెర్లు లేకుండానే ‘డర్టీ పిక్చర్’ : A సర్టిఫికెట్ జారీ

కత్తెర్లు లేకుండానే డర్టీ పిక్చర్ సినిమా విడుదల కాబోతోంది. అయితే ఈ సినిమా పెద్దలకు మాత్రమే పరిమితం అని సూచిస్తూ 'ఎ"(అడల్ట్) సర్టిఫికెట్ జారీ చేశారు సెన్సార్ బోర్డు వారు. ఒకప్పటి దక్షిణాది ఐటం గర్ల్ సిల్క్ స్మిత జీవితం ఆధారంగా ఈ సినిమా రూపొందించారు. శృంగారం పాళ్లు కాస్త ఎక్కువగా దట్టించి రూపొందించిన ఈ సినిమాలో కిక్కెక్కించే పడక గది సన్నివేశాలు, ఘాటైన ముద్దు సన్నివేశాలు, హీరోయిన్ విద్యాబాలన్ అంగాంగాలు ప్రదర్శిస్తూ చేసిన ఎక్స్ ఫోజింగ్ సీన్లు ఓ రేంజ్ లో ఉన్నాయి.

సిల్క్ స్మిత జన్మదినమైన డిసెంబర్ 2వ తేదీన ఈ సినిమా విడుదల చేసేందుకు సన్నాహాలు చేస్తున్నారు. విడుదలకు ముందే ఈ సినిమా సంబంధించిన స్టిల్స్ సినిమాపై అంచనాలు పెంచుతున్నాయి. ఈ సినిమాలో స్మిత పాత్రను విద్యాబాలన్ పోషిస్తుండగా, నసీరుద్దీన్‌షా, తుషార్‌కపూర్, ఇమ్రాన్ హస్మీ ప్రధాన పాత్రల్ని పోషిస్తున్నారు. బాలీవుడ్ సీనియర్ నటుడు నసీరుద్దీన్‌షా ఇందులో సూపర్‌ స్టార్‌ గా వయసు మీరిన కథానాయకుడి పాత్రలో కనిపించనున్నారు. ఆయన చేసే పాత్ర సిల్మ్ స్మితతో 'సం"బంధం పెట్టుకున్న ఓ స్టార్ నటుడిది అని సినీ వర్గాల భోగట్టా.