హోమ్

న్యూస్

ఆమెజాన్ ప్రైమ్ లో అత్యధిక వ్యూవ్స్ అందుకున్న టాప్ వెబ్ సిరీస్ లలో ద ఫ్యామిలీ మ్యాన్ ఒకటి. తెలుగు దర్శకులు రాజ్ & డీకే సంయుక్తంగా తెరకెక్కించిన ఈ వెబ్ కంటెంట్ అన్ని వర్గాల ప్రేక్షకుల నుంచి మంచి రెస్పాన్స్ అందుకుంది. మనోజ్ బాజ్‌పేయ్ , ప్రియమణి నటించిన సీజన్ 1 కు భారీ స్థాయిలో రెస్పాన్స్ రావడంతో సీజన్ 2ను అంచనాలను తగ్గట్లుగానే రెడీ చేస్తున్నారు.

ఈసారి సరికొత్త పాత్రలో సమంత కూడా కనిపించనుంది. ఆమె పాత్ర నెవర్ బిఫోర్ అనేలా ఉంటుందని ఒక బోల్డ్ పాత్రలో నటించినట్లు దర్శకులు ఇటీవల ఇచ్చిన ఇంటర్వ్యూలో తెలియజేశారు. ఇక ఎప్పుడెప్పుడా అని ఎదురుచూస్తున్న ద ఫ్యామిలీ మ్యాన్ సీజన్ 2 రిలీజ్ పై త్వరలోనే అఫీషియల్ గా క్లారిటీ ఇవ్వబోతున్నారు. అది కూడా అద్భుతమైన ట్రైలర్ తోనే రిలీజ్ డేట్ ను ఎనౌన్స్ చేయనున్నారు.

మే 19న ఈ వెబ్ కంటెంట్ ట్రైలర్ ను విడుదల చేయబోతున్నట్లు తెలిపారు. దర్శకులు రాజ్ అండ్ డీకే ఈ వెబ్ సిరీస్ పై చాలా కాన్ఫిడెన్స్ తో ఉన్నారు. మొదటి సీజన్ కంటే కూడా సెకండ్ సీజన్ 2 లో సస్పెన్స్ అండ్ థ్రిల్లింగ్ ఎలిమెంట్స్ కూడా హై రేంజ్ లో ఉంటాయట. ఇక ఈ సిరీస్ హిట్టయితే రాజ్ అండ్ డీకే మరో బిగ్ బడ్జెట్ సినిమాతో రావాలని అనుకుంటున్నారు. ఇప్పటికే షారుక్ ఖాన్ కు ఒక కథ చెప్పారు. ఇక మహేష్ బాబు, విజయ్ దేవరకొండ వంటి హీరోలతో కూడా సినిమాలు చేయడానికి ప్రయత్నాలు చేస్తున్నారు.