హోమ్

న్యూస్

హైదరాబాద్‌: నిత్యా మేనన్‌, దుల్కర్‌ సల్మాన్‌ జంటగా సురేష్‌ కొండేటి నిర్మిస్తున్న చిత్రం 'జతగా...'. ఈ సినిమా వర్కింగ్‌ స్టిల్స్‌ విడుదలయ్యాయి. నిత్యా మేనన్‌ తన ఫేస్‌బుక్‌ ఖాతా ద్వారా ఈ ఫొటోలను అభిమానులతో పంచుకున్నారు. 'ఓకే బంగారం' చిత్రంలో తమ నటనతో ప్రేక్షకులను మెప్పించిన నిత్యా, దుల్కర్‌లు మరోసారి ఈ చిత్రం ద్వారా అలరించనున్నారు. అన్వర్‌ రషీద్‌ దర్శకత్వం ఈ చిత్రానికి గోపి సుందర్‌ సంగీతం అందిస్తున్నారు. త్వరలో ఈ చిత్రం ప్రేక్షకుల ముందుకు రానుంది.

'ఒకే బంగారం' ఫేమ్‌ మలయాళం నటుడు ముమ్ముట్టి తనయుడు దుల్కర్‌ సల్మాన్‌, నిత్య మీనన్‌. వీరు జంటగా నటించిన మలయాళ చిత్రం ' ఉస్తాద్‌ హోటల్‌'. మలయాళంలో ఈ చిత్రం విజయం సాధించింది. ఈ చిత్రాన్ని తెలుగులో 'జతగా...' పేరుతో విడుదల చేయబోతున్నారు. 'ప్రేమిస్తే' 'షాపింగ్‌ మాల్‌' 'జర్నీ' వంటి చిత్రాలకు నిర్మాతగా పనిచేసిన సురేష్‌ కొండేటి ఈ సినిమాను తెలుగులో విడుదల చేస్తున్నారు.

అన్వర్‌ రషీద్‌ దర్శకత్వంలో ఈ చిత్రం రూపొందింది. ఈ సందర్భంగా నిర్మాత మాట్లాడుతూ 'ఉస్తాద్‌ హోటల్‌' చిత్రంలో దుక్కర్‌, నిత్యా మీనన్‌ జోడీ బాగుంది. ఇద్దరి మధ్య కెమిస్ట్రీ బాగా కుదురింది. వీరిద్దరూ 'ఓకే బంగారం' లో చేసిన మ్యాజిక్‌ తెలిసిందే.

ఇప్పుడు ' జతగా' సినిమాలో కూడా వీరి నటన చాలా బాగుంది. ఈ చిత్రానికి సాహితి రాసిన సంభాషణలు హైలైట్‌గా నిలుస్తాయి. డబ్బింగ్‌ కార్యక్రమాలు పూర్తయ్యాయి. గోపీచంద్‌ స్వరపరచిన గీతాలు అద్భుతంగా ఉన్నాయి. ఇదొక మ్యూజిక్‌ సినిమా. దీనిని త్వరలో విడుదల చేయబోతున్నాం'' అన్నారు. ఈ చిత్రానికి సంగీతం : గోపీ సుందరం