Don't Miss!
- News రైతు రుణమాఫీ చేస్తే పార్టీని రద్దు చేసుకుంటావా? హరీష్ కు రేవంత్ రెడ్డి ప్రతిసవాల్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఇంటర్నేషనల్ లెవల్కి....‘దేనికైనా రెడీ’ వివాదం
హైదరాబాద్ : మంచు విష్ణు, హన్సిక జంటగా జి నాగేశ్వర రెడ్డి దర్శకత్వంలో రూపొందిన 'దేనికైనా రెడీ' వివాదం ఇంటర్నేషనల్ లెవల్ కి చేరుకుంది. తాజాగా అంతర్జాతీయ హిందూ సంస్థ 'గ్లోబల్ హిందూ హెరిటేజ్ ఫౌండేషన్' ఈ చిత్రం వివాదంపై స్పందించింది. దేనికైనా రెడీ చిత్రంలో బ్రాహ్మణుల మనోభావాలను దెబ్బతీయడంపై ఆగ్రహం వ్యక్తం చేసింది.
ఈ మేరకు ఈ సంస్థ అమెరికాలోని టెక్సాస్లో పత్రికా ప్రకటన విడుదల చేసింది. హిందువుల మనో భావాలను, సంస్కృతిని కించ పరచడాన్ని తప్పుబట్టింది. దేనికైనా రెడీ చిత్ర దర్శక నిర్మాతలు బ్రాహ్మణులకు క్షమాపణ చెప్పాలని డిమాండ్ చేసింది. బ్రాహ్మణులను క్షోభ పెడుతున్న సదరు చిత్రంలోని అభ్యంతరకర సీన్లను, డైలాగులను తొలిగించడం లేదా, సినిమాపై నిషేదం విధించాలని రాష్ట్ర ప్రభుత్వాన్ని డిమాండ్ చేసింది.
కాగా...దేనికైనా రెడీ చిత్రంపై ప్రభుత్వం నియమించిన కమిటీ ఈ చిత్రంలో బ్రాహ్మణులను కించ పరిచేలా సన్నివేశాలు ఉన్నాయని తేల్చింది. సినిమాలోని అభ్యంతరకర సన్నివేశాలు, సంభాషణలను నమోదు చేశామని, వీటిపై శుక్రవారం చిత్రనిర్మాత మోహన్బాబు, హీరో విష్ణును పిలిపించి చర్చిస్తామని కమిటీ ఛైర్మన్ రేమండ్ పీటర్ తెలిపారు
కాగా...కమిటీ వేయడంపై ఈ చిత్ర నిర్మాత మోహన్ బాబు ఫైర్ అయ్యారు. ఈ మేరకు ఆయన కమిటీకి వ్యతిరేకంగా పిటీషన్ వేసారు. సెన్సార్ బోర్డు సర్టిఫికెట్ ఇచ్చాక ప్రభుత్వ జోక్యం సరికాదని మోహన్బాబు పిటిషన్లో పేర్కొన్నారు. మరి ఈ వివాదం ఎక్కడి వరకు వెలుతుందో చూడాలి.