చుట్టూ అమ్మాయిలతో హీరో రామ్...

By Bojja Kumar

Published: Monday, January 9, 2012, 17:48 [IST]

కందిరీగ చిత్రం విజయం తర్వాత మంచి ఊపు మీద ఉన్న హీరో రామ్...ప్రస్తుతం తమన్నాతో జతకట్టి 'ఎందుకంటే..ప్రేమంట'అనే చిత్రంలో నటిస్తున్న సంగతి తెలిసిందే. "తొలిప్రేమ" ఫేం కరుణాకరన్ దర్శకత్వంలో, స్రవంతి రవికిశోర్ నిర్మిస్తున్న విభిన్నప్రేమకథా చిత్రమిది. ఈ చిత్రానికి సంబంధించిన రామ్ తన న్యూ లుక్ ఫోటోను ట్విట్టర్లో పోస్టు చేశాడు. చుట్టూ అమ్మాయిలు మధ్యలో మైక్ పట్టుకున్న రామ్ ఫొటో చాలా ఆకర్షణీయంగా, యూత్ ఫుల్ గా ఉండటంతో కరుణాకరణ్-రామ్ కాంబినేషన్లో యువత మెచ్చే సినిమాగా 'ఎందుకంటే ప్రేమంట' చిత్రం నిలుస్తుందని భావిస్తున్నారంతా.

కరుణాకరన్ తో వర్క్ చేయాలన్నది తన డ్రీమ్..అంటూ సినిమా ప్రారంభోత్సవం నాడే చెప్పిన రామ్, కరుణాకరణ్ తో వర్క్ చేస్తోంటే అస్సలు టైమ్ తెలియదని చెప్పుకొచ్చాడు తాజాగా ఓ సందర్భంలో. 'కందిరీగ" మాస్ సినిమా అయితే, 'ఎందుకంటే ప్రేమంటే" క్లీన్ లవ్ ఎంటర్ టైనర్ అనీ, ఆన్ స్క్రీన్ తమన్నాతో రొమాన్స్ సూపర్బ్ గా వర్కవుట్ అవుతుందని రామ్ చెప్పుకొచ్చాడు. ఎ.ఆర్.రెహమాన్‍ మేనల్లుడు జి.వి.ప్రకాష్ ఈ చిత్రానికి సంగీతం అందిస్తున్నారు. వేసవిలో ఈచిత్రం విడుదల కానుంది.

More from Filmibeat