కాటమరాయుడు బెనిఫిట్ షో లు ఆగలేదు ఆపేసారు..., కారణం

ఊహించలేనంత గా పైరవీలు

ఒక అగ్ర హీరో సినిమా వస్తుందీ అంటే సినిమా కిముందు వచ్చే బెనిఫిట్ షోల మీదే అందరి దృష్టీ ఉంటుంది. తమ అభిమాన హీరో సినిమాని ముందే చూసేయాలన్న ఆతురత అభిమానుల్లో ఉంటుంది. అందుకే కొందరు హీరోల సినిమా బెనిఫిట్ షో టికెట్ల కోసం మనం ఊహించలేనంత గా పైరవీలు జరుగుతాయ్.

టికెట్ ఖరీదు వేలల్లో

100 రూపాయలకు మించని టికెట్ ఖరీదు వేలల్లో ఉంటుంది. ఇదే అదనుగా దొరికినంత దోహుకునే ముఠాలు తయారవుతాయ్. సాధారణ ప్రేక్షకుడు ఊహించలేడు గానీ ఈ బెనిఫిట్ షోల టికెట్ల అమ్మకం ఒక మాఫియా లా తయారయ్యింది. కొందరు హీరోల సినిమాలకి లక్షలు దాటి న దందా జరుగుతుంది. ఈ డబ్బంతా అనఫిషియల్ గానే చేతులు మారుతుంది.

దోపిడీ అడ్డుకోవటానికే

సరిగ్గా ఇదే పరిస్థితి ఇప్పుడు కాటమరాయుడు సినిమాకి ఎదురయ్యింది. బెనిఫిట్ షోల కోసం గట్టిగానే ప్రయత్నాలు జరిగాయట, పైరవీలు కూడా మంత్రుల స్థాయిలో జరిగాయట కానీ పోలీసులు అనుమతి ఇవ్వలేదు. ఎందుకంటే బెనిఫిట్ షోల పేరుతో జరుగుతున్న దోపిడీ దందాను అడ్డుకోవటానికే అని పోలీసుల సమాధానం.

నిరాశపడ్డారు

కాటమరాయుడు ఫిల్మ్ బెనిఫిట్ షో చూసేందుకు ఎగబడిన అభిమానులకు నిరాశే ఎదురైంది. మిడ్‌నైట్ షోలను తిలకించేందుకు హైదరాబాద్ నగరంలోని ప్రదర్శించాలని ప్లాన్ చేశారు. దీంతో ధియేటర్స్ వద్ద పెద్ద సంఖ్యలో అభిమానులు చేరుకున్నారు. కానీ షో రద్దైందని తెలిసి నిరాశపడ్డారు.

హైదరాబాద్ లో

ఏపీలో బెనిఫిట్ షోలు వేస్తారు కానీ.. టికెట్ల రేట్లు మరీ ఎక్కువ ఉండవు. దాదాపుగా అన్ని చోట్లా 500కు అటు ఇటుగా రేట్లు పెడతారు. మరీ డిమాండ్ ఎక్కువుంటే బాల్కనీ టికెట్ గరిష్టంగా రూ.1000 పెట్టి అమ్ముతారు. కానీ హైదరాబాద్ లో అలా కాదు. టికెట్ రేటు కనీసం వెయ్యి ఉంటుంది. పవన్ కళ్యాణ్ సినిమాలకు మరీధారుణం. రూ.2000-3000 దాటినోతుంది ఖరీదు.

పర్మిషన్ వచ్చేసిందంటూ

నిన్న ‘కాటమరాయుడు' సినిమాకు పర్మిషన్ వచ్చేసిందంటూ ఒక థియేటర్లో బెనిఫిట్ షో కన్ఫమ్ చేసి.. రూ.3000.. రూ.2000.. రూ.1000 చొప్పున రేట్లతో టికెట్లు అమ్మకానికి పెట్టారు. అభిమానుల అత్యుత్సాహాన్ని సొమ్ము చేసుకుని లక్షలు లక్షలు సంపాదించే ప్రయత్నాలు మొదలయ్యాయి.

ఫిర్యాదులు రావడంతోనే

పైగా ఛారిటీ అంటూ దీనికో ముసుగు తొడుగుతారు. పోలీస్ పర్మిషన్ కోసం రూ.3 వేలు ఇచ్చేసి బెనిఫిట్ షోల పేరుతో దందాలు నడిపిస్తాయి ఈ గ్యాంగులు. దీనిపై చాలా ఫిర్యాదులు రావడంతోనే హైదరాబాద్ పోలీసులు వీటికి అడ్డుకట్ట వేయాలని డిసైడయ్యారు. అందుకే కొంత కాలంగా పెద్ద సినిమాలకు బెనిఫిట్ షోలు వేయనివ్వట్లేదు.

పోలీసులు వెనక్కి తగ్గలేదు

‘కాటమరాయుడు' విషయంలో కొంచెం ఒత్తిడి ఎక్కువున్నా సరే.. పోలీసులు వెనక్కి తగ్గలేదు. అదండీ సంగతి అభిమాన సినీ హీరో సినిమా చూడాలని అందరికీ ఉంటుంది కానీ ఆ ముసుగులో జరిగే దోపిడీ ని అడ్డుకోవాలంటే పోలీసులు చేసిన పని సరైందేకదా