ఈవారం సినివారం: ప్రభకర రెడ్డి జయంతి సభ, దేవదాసు సినిమా ప్రదర్శన

ప్రభాకర్‌రెడ్డి

సుమారు 470 చిత్రాల్లో విభిన్న పాత్రలు పోషించిన ప్రభాకర్‌రెడ్డి విలన్‌గానే కాకుండా, మంచి నటుడిగా రాణించారు. నాటకాల్లో ఉన్న అనుభవం ఆయనకు సినిమాల్లో బాగా ఉపయోగపడింది. తన పాత్ర ఎలాంటిదైనా దానిని రక్తి కట్టించేవారు.ప్రభాకర్‌రెడ్డి నిర్మాతగా రూపొందిన చిత్రాలు పచ్చని సంసారం, పం డంటి కాపురం, గాంధీ పుట్టిన దేశం, మాకు స్వతంత్రం వచ్చింది, ధర్మాత్ముడు, గృహప్రవేశం, కార్తీక దీపం ఆయనకు బాగా పేరు తెచ్చిపెట్టాయి. చక్కటి కుటుంబ కథా చిత్రాలను నిర్మించి అన్నివర్గాల ప్రేక్షకులకూ ఆయన చేరువయ్యారు.మండలాధీశుడు, గండిపేట రహస్యం, ప్రతిభావంతుడు, ప్రచండ భారతం, కామ్రేడ్ చిత్రాలకు ప్రభాకర్‌రెడ్డి దర్శకత్వం వహించారు. సుమారు 21 చిత్రాలకు ఆయన కథలు సమకూర్చారు.

జాతీయ ఉత్తమ చిత్రం

పల్నాటి యుద్ధంలో కన్నమదాసుగా గొప్పగా నటించారు. మహామంత్రి తిమ్మరుసు, బొబ్బిలియుద్ధం, అల్లూరి సీతారామరాజు వంటి చారిత్రక చిత్రాల్లోనూ నటుడిగా తన ప్రతిభ చూపారు.తెలుగు చిత్ర పరిశ్రమల్లో ఏది తలపెట్టినా ప్రభాకర్‌రెడ్డి పట్టుదలతో కృషిచేసి అందుకు నిరంతరం శ్రమించేవారు. ఇందుకు నిదర్శనమే ఆయన చిత్రం పండంటి కాపురం జాతీయ ఉత్తమ చిత్రంగా ఎం పికైంది.

మోహన్‌బాబును హీరోగా చేసి

దుష్టపాత్రలే కాకుండా తండ్రిగా, మామగా, అన్నగా, తాతగా విభిన్న పాత్రలను ఆయన రక్తికట్టించారు. రణభేరి వంటి జానపద చిత్రాల్లోనూ నటించారు. విలన్ పాత్రలతో కాలం గడుపుతున్న మోహన్‌బాబును హీరోగా చేసి ప్రేక్షకుల్లో గుర్తింపుపొందా రు. తన గృహ ప్రవేశం చిత్రం ద్వారా మోహన్‌బాబును హీరోగా పరిచయం చేశారు.

దేవదాసు సినిమా

ప్రభాకర్‌రెడ్డి జయంతి సభ అనంతరం ఇరవయ్యవ శతాబ్ధపు ప్రముఖ బెంగాలీ నవలా రచయిత జయంతి సందర్భంగా ఆయన రచన అయిన దేవదాసు సినిమా స్క్రీనింగ్ జరగనుంది. శరత్ చంద్ర బెంగాలీ రచయిత. ఆయన నవలలు తెలుగునాట ప్రభంజనంలా ప్రాచుర్యం పొందాయి. సమాజాన్ని, వ్యక్తినీ లోతుగా అధ్యయనం చేసి సృష్టించిన ఆయన పాత్రలు, నవలలు చిరస్థాయిగా నిలిచిపోయాయి.

దేవదాసు

తెలుగునాట నవలగా, చలన చిత్రంగా సంచలనం సృష్టించిన దేవదాసు ఆయన నవలే. చక్రపాణి మొదలైన అనువాదకులు ఆయనను తెలుగు వారికి మరింత దగ్గర చేసారు. ఆయన రచనల ఆధారంగా దాదాపు 50 సినిమాలు వివిధ భారతీయ భాషల్లో నిర్మించబడ్డాయి. ప్రత్యేకించి దేవదాసు 16సార్లు , పరిణీత రెండు సార్లు నిర్మించబడ్డాయి.

తోడికోడళ్ళు

హృషికేష్ ముఖర్జీ 'మజ్లి దీదీ' (1967), 'బిందుగారబ్బాయీ ఆధారంగా 'ఛోటీ బహూ' (1971), 'స్వామి' (1977), నిష్కృతి ఆధారంగా హిందీలో బసు ఛటర్జీ 'అప్నే పరాయే' (1980), తెలుగులో 'తోడికోడళ్ళు' నిర్మించబడ్డాయి. గుల్జార్ చిత్రం 'ఖుష్బూ ' (1975) కు 'పండితమహాశయుడు ' ప్రేరణ. ఆచార్య ఆత్రేయ సినిమా వాగ్దానం (1961) ఆయన కథ ఆధారంగా తీసిందే.