Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
'ఫిదా' ఏం లాభం లేదు.. అసలైనది తొలిప్రేమే !
Recommended Video
ఎడారిలో నీటికోసం వెతుతుకుతున్నట్లు విజయం కోసం వెతుకుతున్న వరుణ్ కు ఫిదా చిత్రం ఒయాసిస్ లాగా కనిపించింది. వరుసగా వైవిధ్యమైన పత్రాలు చేస్తున్నప్పటికీ ఫిదా ముందు వరకు వరుణ్ కు విజయం దక్కలేదు. కానీ మంచి నటుడిగా ఎదుగుతాడని కంచె సినిమా తరువాత సినీ ప్రముఖులంతా తేల్చేశారు. ఫిదా చిత్ర విజయంలో వరుణ్ తేజ్ పాత్ర ఎంతంటే వెంటనే చెప్పడం కష్టం.
ఎందుకంటే ఆ చిత్రంలో హైబ్రిడ్ పిల్ల సాయి పల్లవి సక్సెస్ క్రెడిట్ మొత్తం ఎగరేసుకుపోయింది. ఎట్టకేలకు తొలిప్రేమ చిత్రంతో వరుణ్ కష్టానికి తగ్గ ఫలితం దక్కిందని చెప్పొచ్చు. సినీ అభిమానులు ఇప్పుడు ఎక్కువగా తొలిప్రేమ మరియు వరుణ్ తేజ్ గురించే చర్చించుకుంటున్నారు.
నటుడిగా ఎదుగుతాడని జోస్యం
కంచె చిత్రం కమర్షియల్ సక్సెస్ కాకున్నా వరుణ్ కు మంచి గుర్తింపు తెచ్చిపెట్టింది. సందేశాత్మక చిత్రంలో వరుణ్ తేజ్ నటన అద్భుతంగా ఉందంటూ ప్రశంసలు దక్కాయి. సినీప్రముఖులు సైతం వరుణ్ గొప్ప నటుడు అవుతాడని కీర్తించారు.
వరుణ్ తేజ్ స్మార్ట్ గా ఆలోచించాడు
మెగా హీరోలందరిలా వరుణ్ తేజ్ భిన్నంగా ఆలోచించడం అతడికి కలసి వచ్చిందని చెప్పొచ్చు. స్టార్ ఇమేజ్ కోసం పాకులాడకుండా కమర్షియల్ చిత్రాలని దూరం పెట్టి మంచి పని చేశాడు.
ఫిదా వలన లాభం లేదు
ఫిదా చిత్రంతో వరుణ్ తేజ్ తొలి సక్సెస్ ని అందుకున్నాడు. కానీ ఆ ఆనందం వరుణ్ ముఖంలో కనిపించలేదు. ఎందుకంటే క్రెడిట్ మొత్తం సాయి పల్లవి కొట్టేసిందని క్రిటిక్స్ నుంచి కామెంట్లు వినిపించాయి. వారు ఖాతాలో ఓ విజయం అయితే చేరింది కానీ వరుణ్ కు సంతోషాన్ని ఇచ్చే చిత్రం మాత్రం కాదు.
అసలు సిసలైన విజయం ఇదే
తొలిప్రేమ విడుదలకు ముందు వరకు ఇది కూడా ఫిదా లాంటి రొమాంటిక్ డ్రామానే అయి ఉంటుందని చాలా మంది నిట్టూర్చారు. కానీ విడుదలయ్యాక పరిస్థితి మారిపోయింది.
ప్రేమికుడిగా మూడు షేడ్స్ లో
తొలిప్రేమ చిత్రంలో వరుణ్ నటన హైలైట్ అని చెప్పొచ్చు. ఎందుకంటే తొలిప్రేమ చిత్రంలో వరుణ్ పాత్ర మూడు షేడ్స్ తో కూడుకున్నది. వాటిలో ఒకదానికి మరొకటి పోలిక లేకుండా వరుణ్ అద్భుతమైన వేరియేషన్స్ కనబరిచాడు.