‘టిక్ టిక్ టిక్’ ట్రైలర్ చూశారా? ఇండియన్ తొలి అంతరిక్ష చిత్రం...గ్రేట్!

టిక్ టిక్ టిక్

జయం రవి, నివేదా పేతురాజ్‌ హీరో హీరోయిన్లుగా నటిస్తున్న చిత్రం ‘టిక్‌:టిక్‌:టిక్‌'. సౌందర్‌ రాజన్‌ దర్శకత్వం వహిస్తున్నారు. భారత సినీ చరిత్రలో తొలి అంతరిక్ష సినిమాగా దీన్ని తెరకెక్కిస్తుండటం విశేషం.

భారీగా బడ్జెట్

ఈ చిత్రాన్ని ‘నెమిచంద్ ఝబక్' అనే సంస్థ నిర్మిస్తోంది. ప్రముఖ తమిళ సినీ నిర్మాణ సంస్థ థెనాండల్ ఫిల్మ్స్ వారి సమర్పణలో విడుదలవుతోంది. భారీ బడ్జెట్ తో ఈ చిత్రాన్ని తెరకెక్కించారు. శ్రీ తిరుమల తిరుపతి వెంకటేశ్వర ఫిలింస్‌ వారు ఈ చిత్రాన్ని తెలుగులో విడుదల చేస్తున్నారు.

ఆకట్టుకుంటున్న గ్రాఫిక్స్

తాజాగా విడుదలైన ట్రైలర్లో గ్రాఫిక్స్ ఆకట్టుకునే విధంగా ఉన్నాయి. ట్రైలర్‌లో విశాఖపట్నంపై ఉల్క దాడిచేసినట్లు చూపించారు. విశాఖకు మరో ఉల్క దాడి చేసే ముప్పు ఉందని ఈ ఉల్క ఇండియా మ్యాప్‌నే మార్చేస్తుందని ట్రైలర్‌లో వ్యోమగాములు చర్చించుకుంటుండం సినిమాపై ఆసక్తిని పెంచుతోంది.

రిలీజ్ ఎప్పుడు?

తెలుగు, తమిళంలో ఈ సినిమా జనవరి 26న ప్రేక్షకుల ముందుకు రానుంది. అంతరిక్షం నేపథ్యంలో వస్తున్న తొలి ఇండియన్ సినిమా కావడం, ట్రైలర్ ఆకట్టుకునే విధంగా ఉండటంతో సినిమాపై అంచనాలు పెరిగాయి.