Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
24, బిచ్చగాడు సినిమాల కలెక్షన్స్ వైరల్.. ఈ లెక్కలతో వాళ్ళకు కౌంటర్!
ప్రస్తుతం టాలీవుడ్ ఇండస్ట్రీలో కూడా చాలా సినిమాలు ఇతర ఇండస్ట్రీలో కూడా మంచి విజయాన్ని అందుకుంటున్నాయి. ముఖ్యంగా మన సినిమాలు భాషతో సంబంధం లేకుండా పాన్ ఇండియా రేంజ్ లో సక్సెస్ అవుతున్నాయి. అయితే కొంతమంది తమిళ ప్రేక్షకులు వ్యత్యాసాలు చూపుతూ టాలీవుడ్ హీరోల హార్డ్ కోర్ ఫ్యాన్స్ ను రెచ్చగొట్టే విధంగా నెగిటివ్ కామెంట్స్ చేస్తున్నారు. గతంలో ఎప్పుడు లేని విధంగా విజయ్ అలాగే మహేష్ ఫ్యాన్స్ కు సంబంధించిన ట్వీట్స్ ఇటీవల సోషల్ మీడియాలో వైరల్ అయ్యాయి.
దీంతో ఓ వర్గం అభిమానులు ప్రతిదాడి చేయకుండా ప్రేమతో ఉదాహరణలు ఇస్తున్నారు. మొదట తమిళ సినిమాలకు తెలుగు ఆడియేన్స్ సపోర్ట్ చేశారని అక్కడి హీరోలను ఎలాంటి భేదం లేకుండా అభిమానిస్తారని బాక్సాఫీస్ కలెక్షన్స్ తో సమాధానం ఇస్తున్నారు. ముఖ్యంగా అప్పట్లో వచ్చిన బిచ్చగాడు సినిమా ఎలాంటి విజయాన్ని అందుకుందో ప్రత్యేకంగా చెప్పనవసరం లేదు. ఆ సినిమా తమిళనాడులో 26 కోట్లు కలెక్ట్ చేయగా తెలుగులో కూడా అదే తరహాలో 25 కోట్లు వసూలు చేయడం ఆశ్చర్యకరం.
ఇక తెలుగులో ఎప్పటి నుంచో మంచి మార్కెట్ ఉన్న సూర్య ప్రతీ సినిమా కూడా ఇక్కడ కొన్నేళ్ల వరకు స్టార్ హీరోల రేంజ్ లో కలెక్షన్స్ అందుకున్నాడు. ఇక 24 సినిమా తమిళనాడులో 30 కోట్లు రాబట్టింది. అదే తరహాలో తెలుగులో కూడా 30 కోట్లు రాబట్టి మంచి లాభాలను అందించింది. ఈ విధంగా తమిళ హీరోలను తెలుగు వారు పోటీ పడుతూ లవ్ చేస్తున్నట్లుగా కొందరు అభిప్రాయం వ్యక్తం చేస్తున్నారు. ఇప్పుడు విజయ్ సినిమాలకు కూడా తెలుగులో అయితే మంచి రెస్పాన్స్ వస్తోంది. ఇక కార్తీ తమిళంలో కంటే మొదట తెలుగులోనే సక్సెస్ అందుకున్నాడు. అతను నటించిన యుగానికి ఒక్కడు సినిమా తమిళనాడులో ఫ్లాప్ అయ్యింది. కాని తెలుగులో ఆ సినిమా మంచి విజయాన్ని అందుకుంది. అలాగే ఆ తర్వాత అవారా, నా పేరు శివ ఇలా వరుస విజయాలు అందుకున్నాడు.