ఆ సినిమాతో చాలా డబ్బులు పోయాయి.. అవకాశాలు కూడా తగ్గాయి: కమెడియన్ శ్రీనివాస్ రెడ్డి ఆవేదన

మన మంచి కోసమే..

లాక్ డౌన్ గురించి ముందుగానే ఉహించాను. ముందుగా అనుకున్న దానికంటే మరికొన్ని రోజులు సమయం పడుతుందని అనుకున్నా. ప్రాణాలు కాపాడుకోవాలంటే తప్పదు. ఏదైనా మన మంచి కోసమే. రోజు ఖాళీగా ఉండకుండా నా భార్యకు ఇంటి పనుల్లో సాయం చేస్తూ రెండేళ్ల మా పాపను జాగ్రత్తగా చూసుకుంటున్నాను. మరణాల వార్తలు వినడం ఇష్టం లేక టివి చూడటం కూడా మనేశాను.

ఆ సినిమాతో చాలా నష్టపోయా..

భాగ్యనగర విధుల్లో గమ్మత్తు అనే సినిమా కథను రాసుకునపుడు స్క్రిప్ట్ నచ్చడంతో నేనే ఈ సినిమాను సొంత ప్రొడక్షన్ లో డైరెక్ట్ చేసి రూపొందించాలని అనుకున్నా. అయితే ఆ సినిమా అంతగా ఆడలేదు. పైగా ఇండస్ట్రీలో చెడ్డపేరు తెచ్చిపెట్టింది. సినిమా ప్లాప్ కావడంతో నిరాశచెందాను. సినిమా ఆడకపోయినప్పటికి దర్శకుడిగా కొత్తగా ట్రై చేశాను అని కొందరు ప్రశంసించారు.

అందుకే అవకాశాలు తగ్గాయి..

హీరోగా కొన్ని సినిమాలు చేశాక కొందరు దర్శకులు నేను పూర్తి హీరోగా మరాను అనుకోని కామెడీ రోల్స్ చేయనేమో అని అపార్థం చేసుకున్నారు. కానీ నేను మాత్రం కామెడీ రోల్స్ చేయడానికి ఎప్పుడైనా సిద్ధమే.. ఇక బుల్లితెరపై కూడా మరొకసారి నటించాలని ఉంది. అవకాశం వస్తే డిజిటల్ ఫ్లాట్ ఫార్మ్ లో కూడా మంచి పాత్రలను చేయాలని ఉంది.

Recommended Video

Anchor Rashmi Gautam Feeding Road Dogs During Lockdown!

20ఏళ్ళ జర్నీ..

ఒక్కసారి ఆలోచిస్తే అప్పుడే 20 ఏళ్ళు గడిచాయ అని అనిపిస్తోంది. నా సినిమా కెరీర్ లో ఎన్నో ఒడిదుడుకులను చూశాను. పలు గుణపాఠాలను గుర్తుపెట్టుకొని ముందుకు సాగుతున్నా. భవిష్యత్తులో మళ్ళీ డైరెక్షన్ చేసే ఛాన్స్ ఉంటుందో లేదో తెలియదు. ప్రస్తుతానికి కొన్ని సినిమాల్లో నటిస్తున్నా.. అలాగే వచ్చిన అవకాశాలతో నటుడిగా మంచి గుర్తింపు తెచ్చుకోవడమే తక్షణ కర్తవ్యం అంటూ శ్రీనివాస్ రెడ్డి వివరణ ఇచ్చారు.