Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఇండియన్ ఫిల్మ్ ఇండస్ట్రీలో మనమే నెం.1
హైదరాబాద్: ఇండియన్ ఫిల్మ్ ఇండస్ట్రీలో టాలీవుడ్ సినీ పరిశ్రమకు నెం.1 స్థానం దక్కింది. 2013-2014 సంవత్సరానికి గాను అత్యధికంగా సినిమాలు ప్రొడ్యూస్ చేసిన పరిశ్రమగా తెలుగు చిత్ర పరిశ్రమ నిలిచింది. ఇప్పటి వరకు ఈ విషయంలో బాలీవుడ్, కోలీవుడ్ పరిశ్రమలు మొదటి స్థానంలో ఉండేవి.
2013-2014 సంవత్సరానికి గాను మొత్తం ఇండియా నుండి 1966 సినిమాలు ప్రొడ్యూస్ కాగా....అందులో 349 సినిమాలు తెలుగు సినిమాలే కావడం విశేషం. గత సంవత్సరం తమిళ సినిమాలు అత్యధికంగా ఉండి నెం.1 స్థానం దక్కించుకోగా 2013-2014 సంవత్సరంలో తెలుగు సినీ పరిశ్రమ ఆధిపత్యం ప్రదర్శించింది.
పేరుకు 349 సినిమాలు అని చెప్పుకోవడానికి గొప్పగా ఉన్నా...అందులో చాలా సినిమాలు ప్లాపయ్యాయి. హిట్టయి నిర్మాతలకు లాభాలు తెచ్చి పెట్టిన సినిమాలు వేళ్లపై లెక్కించదగ్గ కొన్ని మాత్రమే ఉన్నాయి. ప్రభాస్ నటించిన మిర్చి, పవన్ కళ్యాణ్ నటించిన ‘అత్తారంటికి దారేది', అల్లు అర్జున్ నటించిన ‘రేసు గుర్రం', మహేష్-వెంకీ మల్టీ స్టారర్ ‘సీతమ్మ వాకిట్లో సిరిమల్లె చెట్టు' లాంటి కొన్ని చిత్రాలు చిత్రాలు మాత్రమే విజయం సాధించాయి.
లాభ నష్టాల సంగతి ఎలా ఉన్నా...తెలుగు సినిమా పరిశ్రమలో అత్యధిక సినిమాలు నిర్మాణం అవ్వడం ఆనందించ దగ్గ విషయమే. దీని వల్ల ఎంతో మందికి ఉపాది కలుగుతోంది. సినిమాల సంఖ్యతో పాటు విజయాల శాతం కూడా పెరిగితే పరిశ్రమ పచ్చగా కళకళలాడుతుంది.