క్రిస్‌మస్ టు సంక్రాంతి సినిమా పండగ(రిలీజ్ డేట్స్)

ఈ క్రిస్ మస్ సీజన్లో తొలి సారిగా విడుదల సినిమా. పరశురామ్ దర్శకత్వంలో రూపొందుతున్న ఈచిత్రాన్ని వైజయంతిమూవీస్ పతాకంపై ప్రముఖ నిర్మాత అశ్వినీదత్ నిర్మిస్తున్నారు. ఈచిత్రంలో రవితేజ సరసన కాజల్, రిచా గంగోపాధ్యయ్ హీరోయిన్లుగా చేసారు. డిసెంబర్ 21న ఈచిత్రాన్ని భారీ ఎత్తున విడుదల చేసేందుకు సన్నాహాలు చేస్తున్నారు.

ప్రముఖ టెలివిజన్‌ రియాలిటీ షో యాంకర్‌ ఓంకార్ దర్శకుడిగా పరిచయమవుతూ, నువ్విలా చిత్రం ఫేం హవీష్ కథానాయకుడిగా తెరకెక్కుతున్న చిత్రం ‘జీనియస్'. దాసరి కిరణ్‌ కుమార్ నిర్మిస్తున్న ఈ చిత్రం డిసెంబర్‌ 21న ప్రేక్షకుల ముందుకు రాబోతోంది.

విశాల్ హీరోగా 5 కలర్స్ మల్టీ మీడియా పతాకంపై నిర్మాత శ్రీనివాస్ దామెర అందిస్తున్న ద్విభాషా చిత్రం ‘వేటాడు - వెంటాడు'. త్రిష కథానాయికగా నటిస్తోంది. డిసెంబర్ 21న చిత్రాన్ని విడుదల చేయటానికి సన్నాహాలు చేస్తున్నారు. యాక్షన్ ప్యాక్డ్ థ్రిల్లర్ మూవీగా తెక్కించారు.

తమిళ నటుడు ప్రభు తనయుడు విక్రమ్ ప్రభు తెలుగు తెరకు ‘గజరాజు' చిత్రం ద్వారా పరిచయం కాబోతున్నాడు. తమిళంలో విక్రమ్ ప్రభు, లక్ష్మీ మీనన్ జంటగా నటించిన ‘కుమ్కి' చిత్రం తెలుగులో ‘గజరాజు' పేరుతో ప్రముఖ నిర్మాత బెల్లంకొండ సురేష్ విడుదల చేస్తున్నారు. మైనా(ప్రేమ ఖైదీ) ఫేం ప్రభు సాల్మన్ దర్శకత్వం వహించిన ఈ చిత్రాన్ని తమిళంలో ఎన్.లింగుస్వామి, చంద్రబోస్‌లు నిర్మించగా బెల్లంకొండ సురేష్ అనువాద హక్కులు పొందారు. డిసెంబర్ 21న ఈ చిత్రం విడుదలవుతోంది.

అల్లరి ‘నరేష్, రిచాపనయ్ నాయకానాయికలుగా ఇ సత్తిబాబు దర్శకత్వంలో ఫ్రెండ్లీ మూవీస్ పతాకంపై చంటి అడ్డాల నిర్మిస్తున్న ‘యముడికి మొగుడు' చిత్రం విడుదలకు సిద్ధమవుతోంది. డిసెంబర్ 22న సినిమాను ప్రేక్షకుల ముందుకు తెచ్చేందుకు ఏర్పాట్లు చేస్తున్నారు.

మెగా పవర్ స్టార్ రామ్ చరణ్ హీరోగా నటిస్తున్న తాజా చిత్రం "నాయక్". సెన్సేషనల్ డైరక్టర్ వి.వి.వినాయక్ దర్శకత్వంలో తెరకెక్కుతున్న ఈ చిత్రాన్ని ప్రముఖ నిర్మాత డి.వి.వి.దానయ్య నిర్మిస్తున్నారు. కాజల్ అగర్వాల్, అమలా పాల్‌లు హీరోయిన్లుగా నటిస్తున్నారు. జనవరి 9న విడుదలవుతోంది.

వెంకటేష్, మహేస్ బాబు మల్టీ స్టారర్ గా రూపొందుతున్న చిత్రం ‘సీతమ్మ వాకిట్లో సిరిమల్లె చెట్టు'. శ్రీకాంత్ అడ్డాల దర్శకత్వం వహిస్తున్న ఈచిత్రాన్ని దిల్ రాజు నిర్మిస్తున్నారు. జనవరి 11న ఈచిత్రం విడుదల కానుంది. ఈ చిత్రంలో మహేష్ బాబు సరసన సమంత హీరోయిన్‌గా నటిస్తోంది. వెంకటేష్ సరసన జర్నీ ఫేం అంజలి మరో హీరోయిన్ రోల్ చేసింది. అన్నదమ్ముల అనుబంధం నేపథ్యంలో ఈచిత్రాన్ని తెరక్కిస్తున్నారు.

యుగానికి ఒక్కడు, ఆవారా చిత్రాల ద్వారా తెలుగు ప్రేక్షకులను అలరించిన కార్తీ ఈసారి 'బ్యాడ్ బాయ్' గా తెలుగు ప్రేక్షకుల ముందుకు రానున్నాడు. ప్రస్తుతం తను నటిస్తున్న 'అలెక్స్ పాండియన్' చిత్రాన్ని 'బ్యాడ్ బాయ్' గా తెలుగులోకి అనువదిస్తున్నారు. సూరజ్ దర్శకత్వంలో రూపొందుతున్న ఈ చిత్రం జనవరి 11న విడుదల కానుంది.