ఆరేళ్ళ తరువాత సీతయ్య డైరెక్టర్ సరికొత్త లవ్ స్టొరీ.. కోట్ల రూపాయలు నష్టపోయినా పట్టు వదల్లేదు!

వారితో మొదలైన ప్రయాణం

20 ఏళ్ళకు పైగా ఇండస్ట్రీలో కొనసాగుతున్న వైవిఎస్.చౌదరి చాలా మంది స్టార్స్ తో వర్క్ చేశారు. సహాయక దర్శకుడిగా ఉన్నప్పుడు గుణశేఖర్, రవితేజ వంటి వారితో కలిసి రూమ్ కూడా షేర్ చేసుకున్నారు. అప్పట్లో వీళ్ళందరు కూడా చాలా క్లోజ్ గా ఉండేవారు. కలిసి సినిమా అవకాశాల కోసం ప్రయత్నాలు చేసేవారు.

ట్రెండ్ సెట్ చేసిన సినిమాలు

ఇక వైవిఎస్.చౌదరి వైవిఎస్.చౌదరి హరికృష్ణ తో చేసిన సీతయ్య సినిమా అప్పట్లో బారి విజయాన్ని అందుకుంది. లాహిరి లాహిరి లాహిరిలో.., యువరాజు, సీతారామరాజు, వంటి విభిన్నమైన సినిమాలను తెరకెక్కించి తనకంటూ ఒక ప్రత్యేకమైన గుర్తింపు అందుకున్నాడు.

దేవదాసు.. బాక్సాఫీస్ హిట్

ఎక్కువగా తన హోమ్ ప్రొడక్షన్ బొమ్మరిల్లు సంస్థలోనే సినిమాలను నిర్మిస్తు డైరెక్షన్ చేసేవారు. ముఖ్యంగా రామ్ పోతినేని నటించిన మొదటి సినిమా దేవదాసు వైవిఎస్.చౌదరి దర్శకత్వంలోనే తెరకెక్కింది. ఆ సినిమా అప్పట్లో ఒక ట్రెండ్ సెట్ చేసింది. రామ్, ఇలియానా కెరీర్ లకు కూడా బాగానే హెల్ప్ అయ్యింది.

ఆ సినిమాలు దెబ్బ కొట్టడంతో..

అయితే మధ్యలో కొన్ని సినిమాల వల్ల వైవిఎస్.చౌదరి భారీ నష్టాలను ఎదుర్కోవాల్సి వచ్చింది. బాలకృష్ణ ఒక్క మగాడు, మంచు విష్ణు సలీమ్ సినిమాలు దారుణంగా దెబ్బకొట్టాయి. అనంతరం నిప్పు, రేయ్ సినిమాలు కూడా వైవిఎస్.చౌదరి కెరీర్ పై ప్రభావం చూపించాయి.

మరొక లవ్ స్టోరీతో..

రేయ్ అనంతరం మళ్ళీ సినిమాలు చేయని వైవిఎస్.చౌదరి ఇన్నాళ్లకు మరొక మంచి సినిమాతో ప్రేక్షకుల ముందుకు రావడానికి సిద్ధమయ్యారు. నేటి తరానికి అర్ధమయ్యేలా సరికొత్త లవ్ స్టోరీని సెట్ చేసుకుంటున్నట్లు తెలుస్తోంది. నేడు వైవిఎస్.చౌదరి పుట్టినరోజు కావడంతో ఆయన మళ్ళీ ఫామ్ లోకి రావాలని అభిమానులు ప్రేక్షకులు విషెస్ అందిస్తున్నారు.