VidyaSagar: టాలీవుడ్​లో మరో విషాదం.. సీనియర్​ హీరో కన్నుమూత

కలచివేస్తున్న మరణాలు..

చిత్ర పరిశ్రమలో వరుసగా విషాద సంఘటనలు చోటుచేసుకుంటున్నాయి. ఇప్పటికే సీనియర్​ హీరోయిన్​ మీనా భర్త విద్యా సాగర్ మరణించగా, ఆ వెంటనే ప్రముఖ సీనియర్ ఫిల్మ్​ ఎడిటర్​ గౌతమ్​ రాజు, అనంతరం నిర్మాత గోరంట్ల రాజేంద్ర ప్రసాద్​, ఆర్​ నారాయణ మూర్తి తల్లి కూడా మరణించారు. వీరి మరణ వార్తలు సినీ లోకాన్ని కలిచివేశాయి. తాజగా మరో విషాదం చోటుచేసుకుంది. గతంలో కొన్ని తెలుగు సినిమాల్లో హీరోగా నటించిన నటుడు, హీరో విద్యాసాగర్​ అనారోగ్య కారణాలతో కన్నుమూసినట్లు సమాచారం.

అనుకోకుండా పక్షవాతం..

ఈ చదువులు మాకొద్దు అనే సినిమాతో హీరోగా పరిచయమై, తన నటనతో మంచి గుర్తింపు తెచ్చుకున్నారు విద్యాసాగర్. ఆ తర్వాత కామెడీ సినిమాలకు పెట్టింది పేరయినటువంటి జంధ్యాల తెరకెక్కిన అనేక సినిమాల్లో విద్యాసాగర్ నటించారు. హీరోగా కొన్ని సినిమాలు చేసిన తర్వాత విద్యాసాగర్​కు అనూహ్యంగా పక్షవాతం వచ్చింది. దీంతో ఒక కాలు, ఒక చేయి పనిచేయకుండా పోవడంతో విద్యా సాగార్​ వీల్​ చెయిర్​కే పరిమితం కావాల్సి వచ్చింది.

వీల్ చెయిర్​లో కూర్చొని కూడా..

​అయితే అలా వీల్​ చెయిర్​కు పరిమితమైన విద్యాసాగర్​ సినిమాలపై మక్కువతో అలా వీల్​ చెయిర్​లో కూర్చోని మరి చిత్రాల్లో నటించి మెప్పు పొందారు. కాగా విద్యాసాగర్​ ఎలా మరణించారనే విషయంపై ఇంకా క్లారిటీ రాలేదు. కానీ, విద్యాసాగర్​ మరణించారనే విషయాన్ని సినీ నటుడు జోష్​ రవి సోషల్​ మీడియా వేదికగా తెలిపాడు. 'ఆయన ఒక మంచి నటుడు. ఆయన ఆత్మకు శాంతి చేకురాలి' అని రాసుకొచ్చాడు. దీంతో ఆయమ మరణం పట్ల పలువురు ప్రముఖుల సంతాపం వ్యక్తం చేశారు. నటుడు జెమినీ సురేష్​తోపాటు పలువురు నెటిజన్లు నివాళులు అర్పిస్తూ పోస్టులు పెడుతున్నారు.