ముదురు భామలు వరసపెట్టారు (ఫొటో ఫీచర్)

త్రిష

'త్రిష పని అయిపోయింది..' అనుకొన్నారంతా. ఇది ఇప్పటి మాట కాదు. గత నాలుగేళ్ల నుంచీ త్రిష పేరు వినగానే వినిపించే కామెంట్‌ అదే. కానీ ఆమె మూటా ముళ్లూ సర్దుకొని ఇక్కడి నుంచి వెళ్లిపోలేదు. 'దమ్ము'లో నటించింది కదా..? ఆ తరవాత మళ్లీ గ్యాప్‌! మధ్య మధ్యలో తమిళ సినిమాలు చేస్తూనే ఉంది. 'రమ్‌'లో నటించింది. అయితే ఆ సినిమా అనివార్యకారణాల వల్ల ఆగిపోయింది. ఇప్పుడు మరో సినిమా చేజిక్కించుకొంది. అదీ.... నందమూరి బాలకృష్ణ పక్కన.

శ్రియ

శ్రియని వెండి తెరపై చూసి ఎన్నాళ్లయ్యిందో..? ఆ లోటు 'మనం' సినిమా తీర్చింది. 'మనం'లో శ్రియ నటనకు ప్రత్యేకమైన ప్రసంశలు దక్కకపోవచ్చు. కానీ... ఈ విజయం ఆమెలో కొత్త శక్తి నింపుతుందన్న విషయంలో సందేహం లేదు. 'ఓమైగాడ్‌' రీమేక్‌లో ఇప్పుడు శ్రియ పేరు వినిపిస్తోంది. వెంకటేష్‌ పక్కన హీరోయిన్ గా నటించే అవకాశం ఉందని తెలుస్తోంది.

మీనా

వెంకీ... హీరోగా నటించిన 'దృశ్యం'లో మీనానే హీరోయిన్ . ఇది మలయాళ చిత్రానికి రీమేక్‌. అక్కడా మీనానే నటించింది. అందుకే... ఆమెని ఎంపిక చేసుకొన్నారు. చిత్రీకరణ కూడా పూర్తయింది.

ఇంద్రజ

అజయ్‌ పక్కన ఓ సినిమాలో ఇంద్రజని ఎంపిక చేసుకొన్నారు. దిక్కులు చూడకు రామయ్య టైటిల్ తో రూపొందే చిత్రంలో ఆమెను తీసుకున్నారు. రాజమౌళి శిష్యుడు కోటి ఈ చిత్రాన్ని డైరక్ట్ చేస్తున్నారు.

సదా

'జయం'లో 'వెళ్లవయ్యా వెళ్లూ' అని ఆటపట్టించిన సదా ఇప్పుడు మళ్లీ మెరవబోతోంది. 'యమలీల 2'లో ఆమెకో కీలక పాత్ర దక్కింది. ఈ సినిమాలో దేవకన్యగా కనిపించబోతోంది. ఆమెపై ఓ పాటని కూడా తెరకెక్కించారు.

మధురిమ

అల్లు శిరీష్ నటించిన 'కొత్తజంట'లో మధురిమ ఓ పాటలో ఆడిపాడింది. 'ఆ అంటే అమలాపురం' అంటూ చిందులు వేసింది. ఏ పాటతో ఎవరి జాతకం మారుతుందో ఎవరు చెప్పగలరు..? ఇలాంటి పాటలతోనే హంసానందిని ఫేటు మారిపోయింది. మరి మధురిమ కెరీర్‌ కూడా ఈ పాటతో టర్న్‌ తీసుకొంటుందా? లేదా? అనేది తెలియాలంటే ఇంకొన్ని రోజులు ఆగాలి.

రేవతి

గతంలో వెంకటేష్ తో ప్రేమ, జగపతిబాబుతో గాయం వంటి చిత్రాలతో నటించి ప్రశంసలు అందుకున్న రేవతి మరోసారి రీ ఎంట్రీ ఇస్తోంది. ఆమె మళ్లీ వర్మ చిత్రంతోనే రీ ఎంట్రీ ఇస్తోందని తెలుస్తోంది.

నదియా

ఇప్పటికే సీనియర్ హీరోయిన్...నదియా...అత్తారింటికి దారేది చిత్రంలో నటించి అందరి మన్ననలు అందుకుంది. ఇప్పుడు దృశ్యం చిత్రంలో ఆమె పోలీస్ అధికారిగా కీలకమైన పాత్రను చేస్తోంది.